Mizoram Gorkha Youth Association chuan Inrinni khan RS School of Learning, Ramrikawnah inkhawmpui an hmang a, MLA K Sangṭhuama'n a hmanpui.
K Sangṭhuama chuan, eng hnam pawh hnama an chian chuan hnam a him ṭhin tih sawiin, "Chutih rualin, kan hnam chauh buaipui tur tihna a ni lo. Mizorama awm kan nih angin Mizoram tan kan thawk tur a ni. Mizoram a ṭhan chuan kan ṭhang ang a, Mizoram a ṭhan loh chuan kan ṭhang lo mai dawn a ni," a ti.
Zoramin zalenna a sual lai pawhin Gorkhali ṭhahnem tak an thawh chhuah thu sawiin K Sangṭhuama chuan, "Mizoramah hian mikhual in ni lo. Hei vang hian MNF kan sorkar lai khan Gorkhali-te tan ram neih theihna dan leh transfer theihna dan kan siam a ni," a ti a; Mizo leh Gorkhali-te chu hnam leh tih dante dang mah se, chengho an nih avangin thawh a ngaihnaah thawkho tur an nih thu a sawi.
MGYA inkhawmpuiah hian Mizoram hmun hrang hrang aṭangin Gorkhali ṭhahnem tak an tel a ni.
Post a Comment