Mizoram Premier League Club Association Buatsaih MPL AwardsMizoram Premier League Club Association buatsaih MPL Awards chu Ningani zan khan Ignite Studio-ah sem a ni a, Chhinga Veng champion puitu midfielder R. Malsawmtluanga chuan player of the year chawimawina a dawng.
Tla thei dinhmuna ding tawh Mizoram Police chhan chhuaktu Lalbiaksanga Colney chu coach of the year-ah thlan a ni a, Aizawl FC winger Rochharzela chu player of the year a thlan a ni. Lawmman hian pawisa fai cheng 10,000, citation leh trophy a keng tel vek a, kumin hi a vawi khatna niin tih chhunzawm zel tum a ni.

Mizoram Premier League Club Association Buatsaih MPL Awards

Thlan dan phung
MPL club pariat ten an aiawh mi panga á¹­heuh an thlang chhuak a, tehfung duan sa hmangin award dawng tur an thlang. Young player of the year-ah hian MFA registration hnuaia an inziahluh dana kum 20 hnuai lam chin a ni.
Tun á¹­uma thlan chhuah hi MPL club chhungkaw thlan a ni a, vote thlangtu zingah hian journalist emaw club enkawltu dang an awm lo.
MS-a a thiam
MPL6 final hmain Chhinga Veng midfielder R. Malsawmtluanga chuan, "Chuai mai mai ka la tum lo, theihtawp ka chhuah zel ang," tiin Vanglaini a hrilh a, Aizawl FC lamah goal awmchhun leh champion-na goal a khung.
Chhinga Vengin MPL semifinal an luh chian tawh hnuah MS-a hian á¹­um hnih a awl tih loh chu match zawng zawng a khel vek a, vawi khat mah thlak a ni lo. Chhingcows midfielder hian goal nga khungin best player leh best midfielder atan thlan ni a, MPL á¹­an hmain MFA Super Cup-ah best midfielder-ah thlan a ni tawh a, I Day Football-ah best player-a thlan ni a, MS-a tan season á¹­ha bik a nih avangin player of the year chawimawina hi a phu hle.
He category-ah hian Chhinga Veng defender pahnih R. Laldinliana leh Lalrinchhana Tochhawng bakah Aizawl FC winger H. Lalmuankima te an awm tel ve bawk.
Coach á¹­ha BS-a
Mizoram Police-in MPL6-a match nga an khelh zawhah point nga chiah an hmu a, relegation zone aá¹­anga talchhuah tumin Lalbiaksanga Colney an lalut. Armed Veng pa enkawlna hnuaiah Police hian league round-ah match kua khelin vawi ruk an chak a, vawi khat an khingpuite nen inhnehtawkin vawi hnih chiah an chak lo a, tla thei dinhmuna ding kha point 20 hmuin pahthumna an ni.
Semifinal-ah pawh Police-in I League champion an elpha a, match hnih an khelhah Aizawl FC nen an inhnehtawk a, penalty shootout vang chauha final thleng lo a ni. BS-a hian nomawi chawi pha lo mah se tun season-a a thlen chin hi thilmak tih ang hiala sawi theih a ni a, coach of the year lawmman dawng tur hian Chhinga Veng champion puitu Lalsangzuala Hmar leh Chanmari FC coach H. Vanlalthlanga aiin vote a hmu sang zawk.
Rawlthar á¹­ha Rochhara
Chhinga Veng FC-in mimal lawmman hui tam tawk lo mah se Aizawl FC winger best young player chawimawina dawngtu Rochharzela hi Chhinga Veng tlangval a ni. Rochhara hian Mizoram Police lamah MPL6-a hattrick hmasa ber a siam a, amaherawhchu inhliam vangin season chawhnu lamah a inlan tam tawh lo a, MPL6-a inlan zat chu minute 682 ni mah se club aiawhten an thiamna an hmuh hmaih lo.
Rochhara hi Mizoram Police midfielder F. Zosangliana leh Aizawl FC tana a khelhpui K. Lalá¹­hathanga te aia thlan a ni. - Vanglaini

Post a Comment

Powered by Blogger.