Music Domain Mizoram chuan December 14 zan khan Vanapa Hall-ah C. Sanga pualin tribute concert an buatsaih a, a hlawhtling thawkhat hle.
C.Sanga tribute concert hi 'Nghilh Loh Zan' tih a ni a, MDM president hlui boral ta C.Sanga pualin hun hman a ni. He hun hi mipuiin an hlut a, hall khat tlatin an pungkhawm a ni. Sunna hun hi MDM president B.Lalsawmzuala (Te-a Boitlung) chuan a kaihruai a, C.Sanga fate pahnihin candle lighting an chhikai a ni. MDM leh ZONET Cable TV te chuan a nupui Mamuani hnenah citation an hlan a, Mamuani hian chhungkaw aiawhin thu a sawi nghal bawk.
C.Sanga hi MDM-ah hian president pawh lo ni tawh a ni a, a thihni thleng hian executive member a ni. A puala hun hmanah hian mimal zaithiam inlante an che ṭha a, band perform a hmuhnawm hle bawk. Hei mai hi ni loin lam hmuhnawm tak thlir tur a awm bawk. -Vanglaini
Post a Comment