Sorkar laipui chuan bank account, mobile phone leh government scheme hrang hrang te Aadhaar number nena thlunzawm hun tiam a siam chu nakum March 31 thleng atan a pawtsei.
Sorkar laipui hian Aadhaar thlunzawm theih hun March 31, 2018 thlenga pawhsei rawtna hi Supreme Court-ah a thlen a, he rawtna hi court chuan pawmin thupek a tichhuak zui a ni.
Court chuan bank account hawng thar duhte tan pawh Aadhaar telloa hawn theih a nih thu a sawi a, mahse a diltu hian Aadhaar a dil mek a ni tih finfiah a thehluh tel erawh a ngai dawn a ni.
Hetihlai hian court chuan sorkar laipuiin scheme hrang hrang atana Aadhaar card neih tel ngei tura a phut chungchanga petition lutte chu a ngaihtuah mek a, Chief Justice Dipak Misra kaihhruai Constitution bench chuan nakkum January 17 hian final hearing neih a ni dawn tih a sawi.
Post a Comment