Pangbal hi South America a chîn ṭan nia hriat a ni a. Hmânlai Brazilian thawnthuah chuan Tupi hmeichhe pakhat chuan a fa rilṭâm chau lutuk, ei tur pèk tur awm si lo chu mangang leh lungchhiain a en hlum tawp mai a. A fa ruang chu a in lei chhuat laiin a phûm a. Zânah chuan thing huai, wood spirit 'Mani' an tih chu lo kalin a fa ruang chu thing zungah a chantir a. Hei hi a hnuah chuan 'Mani oca' tih a ni a. 'Mani oca' tih awmzia chu 'Thing huai zung' tihna a ni a. Pangbal hi hmun ṭhenkhatah chuan buhfai anga chaw ber atana ring an awm a ni.
Pangbal hian taksa chakna min pe thei a. Vun hriselna atan pangbal a ṭha a. Pangbal hian protein siamtu amino acids a pai tam a, taksa siamtu leh venghimtu ṭha tak a ni a. Phytochemicals leh saponins a pai hian cholesterol chhe chi a titlem thei a.
- Pangbal hian vitamin K a pai a.
- Pangbal hian thisen zâm a tihrisel a.
- Pangbal hian ruh leh hâ a tichak thei a.
- Thluak hriselna atan pangbal a ṭha a.
- Pangbal hian mit a tichak thei a.
Pangbal hian lungphu leh blood pressure a vawng dik thei a. Pangbal hian dietary fiber a pai tam avangin ril a tihrisel a, êk khal a veng a. Pangbal hian min tipuar rei a, taksa rihna tihhniam nan a ṭangkai a. Dietary fiber a pai tam avangin pangbal hian ril aṭanga thisena thlum lut tam tur a timuang thei a.
PANGBAL: TAPIOCA - HRISELNA HUANG - HRISELNA MI TIN TAN
Pangbal hian cancer siam thei free radicals lakah taksa a veng theia ngaih a ni a. Pangbal hian thisen tlâkchhamna a veng thei a, pangbal hian mi a tiharhvang thei a ni. Uisa thlâk ah pangbal hi an hmang ve fo va. Pangbal hi thingpui hmeh atan pawh a ṭhain a duh tan chuan thingpui hmeh tui tak a ni a. Chhum kawiin dal angin a hman theih a, sa-ah pawh pangbal zung leh hnah hi an telh fo ṭhin a ni. Pangbal siam dân i hriatte han tarlang ve teh.
Pangbal hian cyanogenic glycosides, linamarin leh lotaustralin a pai a. He'ng hi taksa tan tûr a ni a, luhai, luak leh nikhawhriat lohna a thlen thei a. Chuvangin, pangbal hi a hela ei a ṭha lo va. Chhum hminin a tûr a bo va, siam hmaa zankhuaa tuia chiahin a tûr a chhuak bawk a. Pangbal hi herbaceous thlai a ni a, thyroid hnathawh a timuang thei a ni.
Posted by: Lalkhawngaihsanga Chinzah
Post a Comment