Zosang Liana
Aizawl, 11/12/2017: India Prime Minister Narendra Modi chu tunkar hian Mizoramah a lo zin dawn a, December ni,16 Inrinni hian Tuirial Hydro Electric Project, kawlphetha megawatt 60 pechhuak thei tura siam chu a hawng dawn nia thu dawn a ni.
Prime Minister lo zin tur thu hi December ni 8, 2017 khan tihchian niin Mizorama a cham chhunga a tlawh turte pawh tih fel thawkhat a ni. Prime Minister lo zin tur pual hian inbuatsaihna dan tur sawiho in Chief Secretary Pu Lalmalsawma hoin December ni 8 vek khan sorkar mi pawimawh te an thukhawm nghal bawk.
Ruahman dan chuan PM Modi hi ni 16 hian Lengpui Airport (Congress siam) a lo thleng anga, helicopter-in Thuampui helipad ah tumin Thuampui atangin lammual a pan anga, Lammualah vantlang inkhawmah thu a sawi ang. Lammuala vantlang inkhawmah thu a sawi pah hian Tuirial HEP (MNF Lalchhungkua ten compensation uchuak avanga an hlamchhiah) Congress Ministry-in a chhunzawm tak chu a hawng nghal dawn a. Lammuala vantlang inkhawm zawh hian Aizawl chhuahsanin Meghalaya a pan leh nghal ang. MNF tan chuan NEDA a an hotupa ber Modi lo hmuah hi Tuirial HEP avang hian thil huphurhawm tak a ni thei ang em?
Post a Comment