Vawiin chawhma dar 10:00Am khan I&PR Conference Hall-ah Siaha District chhunga Measles (Sentut)- Rubella (German Sentut) (MR) Vaccination Campaign beihpui thlakdan tur Training neih a ni. He Training hi Bialtu MLA Dr.K.Beichhua chuan khuallian niin a hmanpui a, Dr.B.Thirumala Rao, (MR) RRT (Rapid Response Team for Lunglei & Siaha District) hova neih a ni.
Khuallian Dr.K.Beichhua chuan India ram atangin Polio natna hi kum 2011 khan umbo a lo ni tawh a, Tetanus natna pawh kum 2015 khan umbo a lo ni tawh bawk a ni. Kum 2020-ah chuan Sentut (Measles) natna pawh umbo va, Rubella (German Sentut) pawh khuahkhirh tlat turin WHO leh India Sawrkar chuan nasa takin hma an la tan mek tawh a. He MR Vaccination Campaign hi khawvela Polio-Rubella (MR) Vaccination campaign lian ber tur a ni. Mizoramah pawh nakum, 2018 January ni 18 atangin MR Vaccination beihpui hi thlak tan tawh tur a nih avangin, vawiin Training hi a pawimawh hle a. Siaha District atanga Polio leh Rubella umbo va, kan tu leh fate tan Siaha District hi Sentut leh German Sentut awm lo na district a siam turin vawiin a Training chhim tura lo kal zawng zawng te ka ngen che u a, in thahnemngaihna leh inpumpekna hi kan tu leh fate damna tur a ni tih hi i hre reng ang u, a ti bawk.
MR Vaccine hi naupang Thla 9-kum 15 inkar a mi ten an la thei a, tun dinhmuna Mizoram puma MR vaccine la thei naupang hi 3,92,902 an awm mek a hriat a ni.
Vawiin Training-ah hian Siaha District a Doctor te leh Concern Medical Staff te bakah MADC leh GoM hnuaia Education Department Official te, Social Welfare Department Official te leh ICDS Official te an tel a ni. -DIPR Mizoram
Post a Comment