ZNP president Lalduhoma chuan, kum 2018 inthlanpui awm turah Ṭangrual Pawl ZPM-in sorkarna a chana Chief Minister tur sawi a hun hrih loh thu sawiin, "Hunin Chief Minister tur chu a rawn hrilh mai ang," a ti.

Lalduhoma hian nimin khan an party pisa-ah thu sawiin, ZPM-ah tunge Leader/Chief Minister ang tih miin an inrinsiak mek tih sawiin, "MNF leh Congress pawhin an sawi chu ZPM-ah tu ber nge Chief Minister ang tih a ni a, an sawina chhan ni ta ber chu Congress leh MNF an sorkar dawn lo a ni. Sorkar tura rinkai ber ZPM-ah hian CM tur an inrinsiak a ni," a ti.

Congress leh MNF-ten Chief Minister tura an rin chu ZPM-ah an awm thu sawiin Lalduhoma chuan, "Neutral lam aá¹­ang pawhin Chief Minister awmna tur chu ZPM a ni tih an chiang ta viau," a ti a, ZPM hruaitute'n á¹­ha an tih chu Chief Minister an nih mai tur thu a sawi.

ZNP President chuan inthlanpui kan hmachhawn mekah hian duh thlan tur kawng pathum - Congress, MNF leh ZPM (Ṭangrual Pawl) an awm tih sawiin, "Kan kal tawhna kawng hlui pahnih hi chu kan hnuchhawn tawh a, kawng pathumna, á¹­angrual kawngah Zoram mipuite’n beiseina nen an thlir mek a ni,” a ti. 

Ṭangrual ṭawl, Zoram Peoples Movement (ZPM) chu mipuiin an hriat chian a ṭul thu sawiin Duhoma chuan, "Mi hmingṭha, MLA-a in candidate tur ni si lo, Val Upa Council (VUP) kan nei a, sorkarna kan chang a nih pawhin VUC hian sorkarah hamṭhatna an dawng ve dawn lo. Sorkar thurâwn pe a, khalh ngiltu tur an ni," a ti a; VUC ang chu Mizo Union hun aṭanga tun thlengin a la awm ngai lo niin a sawi.

Lalduhoma chuan, ram rorelna kawngah kohhran hruaitu, pastor leh rawngbawltute an mangang tawh niin a sawi a, “Kan pastor pension rualte pawhin pulpit aá¹­ang ringawt chuan kan ram hi kan siam á¹­ha zo tawh lo a ni e, tiin a chhungah an lo zuang lut a, hetianga a ruala politics-a zuan luh hi a la awm ngai lo,” a ti.

Neutral rual, party-a la lut ngai lo, mipuiin ram rawngbawl tura an ît si, mi hmingá¹­ha tak takte tunah chuan ZPM-ah an thawkho tih sawiin Duhoma chuan, “Inti neutral taka ngawih reng hi ram rawngbawlnaah a hlâwk lo a, politics field-a kan va luhchilh ve a rem kher lo a nih pawhin tihtur kan nei ve a ni," a ti a; mi hmingá¹­ha tak tak an rawn pên chhuak ta chuan nasa takin harhna a thlen a beisei thu a sawi. 

ZNP President chuan, ZPM-a tel MPC party chu Mizoram mamawh kawlphetha siam chhuah vei em emtu, Chakma foreigner chungchanga a tak taka hma latu awmchhun party an nih thu a sawi a; ZNP chu kut hna­thawka eizawngte innghahna awmchhun an nia sawiin, "Ṭhalaite puala policy ‘YES’ (Youth Empowerment Scheme) nei awmchhun, ‘Bána kaih policy’ hmanga á¹­halaite dâwm chhuaktu tur party kan ni,” a ti bawk. -Vanglaini

Post a Comment

Powered by Blogger.