Aizawl West-I bialtu MLA K Sangṭhuama chuan nimin khan a bial chhunga Ramrikawn leh Lungverh inkar kawng siam mek a enfiah a; hna thawktu PWD hotute leh contractor-te chu kum khat aia tam daih kawngpui ṭha leh tlo siam turin a ngen.


K Sangṭhuama chuan, kawngpui siamna atana hmanraw hmante chu a tlo leh ṭha ngei hmang turin PWD hotute leh contractor-te ngenin, kawng siamtute'n lung 

ṭha lo deuh an hmang nia khawtlang hruaitute'n an sawi avanga enfiah a nih thu a sawi a; kawng siamna atan cheng nuai 623 ruahman a nih thu sawiin, khua a ṭhâl ṭan tawh a, kawngpui chu April 2018 chhung ngeia siam zo turin a chah.

MLA chuan, kawng blacktop-ah kum khat daiha siam a awm mang lo nia sawiin, kawng siamtute chu theihtawp chhuah turin a chah a, "Kawng siam a chhiatin PWD kan dem leh ṭhin si a, engineer-te'n an 

ṭhutchilh reng theih loh pawhin a khat táwkin kalchilh ṭhin se. Aizawlah km. 100 vel âwrh kawngpui kan nei a, vil ngun se harsatna zualpui kan sukiang ang tih kan ring," a ti. 

Ramrikawn leh Lung­verh inkar kawng, km. 7.700 vela thui blacktop hna hi NABARD sum aṭanga sum hmuh hmanga siam a ni a; PWD chief engineer Lalmuankima sawi danin, kawng chhuatah lung phah mek a nih bakah, kawngpui sira tuihâwk luankawr leh retaining wall-te siam mek a ni. 
-Vanglaini

Post a Comment

Powered by Blogger.