Congress party chuan thuchhuah siamin, Mizoram police-in electronic voting machine (EVM) chungchanga thu dik lo hmanga Mizoram mipui tibuaitu, Michael Chhakchhuak an man ta chu lawmawm an tih thu an tarlang.
Nimina MPCC thuchhuah chuan, kum 2014-a Lok Sabha MP thlan dawna cable TV kaltlanga thu dik lo puangtu Mizoram police-in an man ta chu fakawm an tih thu a tarlang a, "Hetianga mi dawthei hmingthang mantu Mizoram police-te hi MPCC chuan a chhuang tak meuh a, police kut phuar a nih lohzia tilangtu a ni," a ti.
Congress party chuan, Michael Chhakchhuak leh Muanhlua te dâwt phuah chawp avangin Chief Minister leh a chhungte zawng zawng puh hmingchhiat an ni tih sawiin, "District tina DC-te thamna lâin puh an ni," an ti a; Michael Chhakchhuak chu a na thei ang bera hrem tlaka an neih thu leh, dâwt hmanga mipui bum á¹hinte lakah fimkhur tura mipui an duh thu an sawi bawk. -Vanglaini
Post a Comment