Zîngah Savaten Pathian An Fak A
Zîngah Savaten Pathian An Fak A,
Pangpârin a ropuizia a entîr fo;
A thil siam zawngin amah an chawimawi,
Mihring chauh lo chu zirtîr an ngai lo.
Lei leh vân mi nung kan tel ve ang,
Anni aiin a ngaihna kan hria;
Khawvêl zawng pawhin sa rual sela,
Amah fakna hi an sa sêng lo vang.
Nilêngin I ṭhatna kan hmu fo ṭhîn,
Chhûn leh zân, thlasik leh fûrte a awm ṭhin;
Hun a thar angin lâwmna kan lo chang,
Kumkhuain vântirhkoh nên kan zai ang.
Hriatna leh finna, thiltihtheihnain,
Mi nung zawng zawngin amah lo fak rualin;
Kan tân a tih zawng kan sawi zo thei lo,
Kumkhuain a khawngaih kan hril sêng lo.
Post a Comment