ZNP president atan Lalduhoma thlang ZNP-in ZPM-a inchhûnfin an remti

Zoram Nationalist Party (ZNP) chuan nimin khan an party pisaah kum 2017-2020 chhunga ZNP General Headquarters office bearer turte an thlang a; president ni lai Lalduhoma chu chuhtu awm loin president atan thlan nawn a ni.

ZNP inthlan hi ge­neral secretary PB Lal­sawm­liana'n a kaihruai a; president atan Lalduh­oma thlan a nih bakah, vice president atan C Lai­tanga, Dr Kenneth Chawng­liana leh Prof. Thang­chung­nunga te, treasurer atan Julie Lallianzuali te thlan an ni. Thlan tlinte hi chuhtu awm loa thlan vek an ni.

ZNP Political Affairs Committee member atan PB Lalsawmliana, PC Vanlalruata, Lalmuanpuia Punte, Lalbiakzama, Dr Lalbiakdiki, R Lalthan­sanga leh W Chhuanawma te thlan an ni bawk.

Inthlan hmain ZNP Na­tional Council an ṭhu­­khawm a, president Lal­duh­oma'n a kaihruai. Mee­ting-ah hian Zoram Peo­ples' Movement (ZPM) Steering Committee 

aṭanga lehkha lut, ZPM-a tel zawngte pawl pakhata inchhunfin chungchanga ZNP ngaihdan sawi tura ngenna an ngaihtuah a, pawl pakhata inchhunfin chu an remti a ni.