MNF president Zoramthanga chuan nimina Khawruhlian Vengthar YMA Rûnah thu sawiin, "Congress hnâwl turin Zoram mipui an ṭhangharh tawh," a ti.
Zoramthanga chuan, Congress hnâwl turin mipui an ṭhangharh tawh nia sawiin, "Zu zawrh vanga mipui tawrhnain mipui a tiharh tawh a, drugs nasa takin a pung a, zu vanga hmeithai an pung a, an lainatawm em em. Kawng chhe lutuk leh development hmuh tur a awm bawk si lo hian mipui a tiharh tawh," a ti a; nipuiin Congress an hnâwl tawh avangin inthlan lehah MNF an sorkar dawn niin a sawi.
MNF President chuan, an party-in sorkarna an chan laia bul an ṭan, Chalfilh Tourist Resort chu Congress sorkarin an hlamchhiah nia sawiin, vanduaithlak a tih thu a sawi a, "Hmaa mite thil ṭha tih chhunzawm duh loh hri ṭha lo an vei hi a pawi hle. MNF-in sorkarna kan chang leh a nih chuan ram chhung leh páwna khualzin tam tak hîp turin Chalfilh Tourist Resort hi kan cheibáwl leh dawn a ni," a ti.
MNF thuchhuah chuan, nimina Khawruhliana inkhawmah hian party dang aṭangin an president Zoramthanga'n MNF-ah mi 93 a lawm lut niin a tarlang.
Post a Comment