CHIEF MINISTER IN INDIAN FILM FESTIVAL MIZORAM A HAWNG - TIMES OF MIZORAM

Breaking

Home Top Ad

Post Top Ad

CHIEF MINISTER IN INDIAN FILM FESTIVAL MIZORAM A HAWNG

CHIEF MINISTER IN INDIAN FILM FESTIVAL MIZORAM A HAWNGZanin khan Vanapa Hall-ah Chief Minister Pu Lal Thanhawla chuan Mizoram Sawrkar leh Innovation India huaihawt, Ni 5 awh, Indian Film Festival a hawng.
Indian Film Festival Mizoram chhim tur hian producer lar tak tak leh film star Mizo ten an hmelhriat pawh an tel nual a ni. 


Indian Film Festival hawngtu Chief Minister Pu Lal Thanhawla chuan film kaltlanga Mizoram in hlawkna a neihtur leh khualzinmite hip tur pawha tangkaina nasa tak a neih thu a sawi a. Kum 20 chhung tualchhung buaina avanga midangte umphaklo, Mizoram chuan theihtawp chhuah in hmasawn tumin a pen zel a. Mizoram hmelhmang ti mawi leh ti lar thei turin Film Industry-ah beiseina sang tak Mizoramin a neih thu leh Film siamtute pawh Mizoramah an film te siam tur leh film star te pawh Mizoramah khualtha an nih tur thu a sawi a ni. 


Mizoramah Film siam a nih dawn phawt chuan Mizoram sawrkar chuan Film siamtute chu dusakna nen a lo mikhual tur thu a sawi a.Kum in  Indian Film Festival Mizoramah Biate khaw chanchin leh faina kawnga hmalakna film a siam chu documentary film tha zingah telh a ni chu lawmawm a tih thu a tarlang a. Asia ram a khaw faiber niturin Biate khua in theihtawp a chhuah thu leh khualzin hipna remchang tak a nih ngei a beisei thu a sawi a ni.

Ni 3 chhunga Film Festival chu mipui tan hmuhnawm a nih a ngei a rin bakah Mizo film siamtuten chhim ngei se hmasawnna nasa tak siamsaktu nih ngei a rin thu a sawi a ni.
CHIEF MINISTER IN INDIAN FILM FESTIVAL MIZORAM A HAWNGIndian Film Festival Mizoram  neih chhung hian Sarkar 3(Hindi), Oh My God (Hindi), Raag ( Assamese), Wrong Side Raju ( Gujarati) leh Ventilator ( Marathi) bakah Nunna Thar ( Mizo) te chhuah a ni ang a. Producers, Film Stars leh Director te nen Film chungchanga sawihona leh inkawmna te neih a ni thin ang.


Indian Film Festival Mizoram ah hian Innovation India hotupa leh Film Curator Captain Rahul Bali chuan Film star lar Award dawng tawh Sushant Singh, Zerifa Wahid, Award hlu tak tak dawng tawhte - Sarkar 3 producer Rahul Mitra, Wrong Side Raju Director Mikhil Musale, OMG Director Umesh Shukla, Russian Film Maker Katerina Tarbo-Ignalenka, Rajesh Mapuskar leh Shanaab Alaam bakah Miss Mizoram Rody H Vanlalhriatpuii te a rawn huikhawm a ni.
CHIEF MINISTER IN INDIAN FILM FESTIVAL MIZORAM A HAWNG
Indian Film Festival Mizoram ah hian UD & PA Minister Pu Zodintluanga leh I & PR Minister Pu Lal Thanzara ten Chief Minister chu tawiiawm in mipui an kal thahnem hle a. Mizo hmelhriat Film star lar te leh Producer lar te bakah Director lar te hian Mizoram rawn tlawh leh ngei an tum thu bakah an TV serial leh Film te pawh Mizo te tel ve theihna tur leh Mizoram lanna tura siam an tum deuh vek a ni.


CHIEF MINISTER IN INDIAN FILM FESTIVAL MIZORAM A HAWNGCHIEF MINISTER IN INDIAN FILM FESTIVAL MIZORAM A HAWNG

Source: DIPR

Post Bottom Ad