Miss Rody H Vanlalhriatpuii Tiger Longi Brand Ambassador Tiger Longi Industry chuan an brand ambassador atan Miss Mizoram, Rody H.Vanlalhriatpui chu inremna an siampui ta a, Rody hian ambassador ni lai Kasauti-a Prena-i lema chang Shweta Tiwari chu a thlak dawn a ni. 

Longi Industry 'Bikaner' hi Longi Chilli Powder siamchhuaktu an ni a, an brand name hi 'Tiger' a ni. Khawvela chilli powder siam chhuaktu lian ber pawl niin, Rajasthan-ah hmunpui an nei. Bikaner hi Rajasthan-a spices company lian ber a ni mek a, Bhujia company lian heng - Bikaji, Bikano, Haldiram leh BC Bhujia te spice sypply-tu an ni. Heng bhujia-ahte hian Longi product chilli powder te hi hman vek niin, an hmarchate hi Mizoram aṭanga lakluh Mizo hmarchate (Bird Eye Chilli) kan tihte hi a ni deuh ber. 


Tiger Longi hian an kum 50-na an lawm mek a, ram hrang hrang aṭangin Namkeen factory lian neitute an fuankhawm a ni. Hemi denchhen hian Rody-i pawh hi Rajasthan-ah hian a cham mek a, ni 10 chhung vel zet chu hmun hrang hrang fang kualin hun a hmang dawn a ni. Tiger Longi Industry hian an brand ambassador tur hian Rody-i hi an sawm a, Mizo zingah Company leh Industry lianten ambassador atana an sawm hial kan awm ta hi a lawmawm hle a ni. -Vanglaini

Post a comment

Powered by Blogger.