infiamna chanchin mizo boxerINDIA AIAWHA INTERNATIONAL INVITATION HMACHHAWN TURIN MIZO BOXER PATHUM THLAN AN NI

India aiawha international invitation hmachhawn turin Mizo mipa boxer pathum, LPS Pro Fight champion lai pahnih; NT Lalbiakkima leh HC Johnkenty Vanhlimpuia bakah Laldinmawia te thlan an ni.

Siaha tlangval Biakkima leh Tuipui boxer Vana ten December 19 khan R Dengthuama Indoor Stadium, Mualpuiah Pro Fight lightflyweight leh lightheavyweight title an humhim ve ve a, 2011 Pro Fight lightflyweight champion Dinmawia nen vawiin New Delhi-a khelh tan tur India Open International Invitation Boxing tournament an hmachhawn dawn a, a thlengtu India-in team hrang pali - A, B, C leh D an nei dawn a, Mizo pathum hi team D-ah vek an awm a ni.

Biakkima'n lghtfly, kg 49 huangah a khel ang a, Tuipui boxer Dinmawia'n fly kg 52-ah khelin middleweight kg 75-ah Johnkenty Vanhlimpuia a inlan ve thung dawn a ni.

Post a comment

Powered by Blogger.