- V. Lalnunthara, E-43, V. Thanga Street, Dawrpui


POLITICIAN TE BIHCHIANNA: Pi Florence Vanlalrengpuii hi Pu James Liansiama (L) leh Pi Margaret Zikpuii te fanu niin kum 1968, March ni 16 khan a lo piang a, an unau hi 6 an ni. Naupan lai atangin hmeltha tih a hlawh hle thin a ni.

Thiamna lamah Bachelor of Arts (B.A) a ni a, a nulat lai hian 1985 Miss Mizo 2nd Runners Up ni hial phaka piannalh, hmeltha leh zei a ni. Pu Eddie Ramdinthara nen inneiin fa 4- mipa 2 leh hmeichhia 2 an nei a, tu 2 hmel an hmu tawh bawk. An chhungkua in Dam Vengah an khawsa mek a ni.
Mizo politician te bihchianna

Pi Rengpuii hi khawtlang leh kohhran rawngbawlna ah a theihtawpin a inhmang ve a, Kohhran lamah an lawina Dam Veng Presbyterian Kohhran ah Puitling Sunday School Zirtirtu a ni a, Nilai zan thupui hawngtu leh Kohhran Hmeichhe Committee Member nilai mek a ni. Khawtlang lamah kum 2016 khan Dam Veng Branch MHIP President a ni.

Politics lamah Mizo National Front a zawm a, MNF Women Front Headquarters ah Treasurer a ni a. Tunah hian MNF Aizawl South II Block President ni mekin, MNF Party ah Hmeichhe Block President hmasa ber record a siam. An veng ah Local Council Treasurer a ni mek a, kum 2015 khan Aizawl Municipal Corporation Inthlanah Ward 18 na atangin MNF Official Candidate a lo ni tawh a. Panchayat Mahila Shakti Abhiyan (PMSA) ah Committee Member a ni bawk.

Pi Rengpuii hi Mizo hmeichhia zinga mi tumruh leh hruaitu chak tak a nih zia a lo tel tawhna pawl atangin a chiang a, Mizo hmeichhia te zinga active politics khel zingah mi langsar tak a ni chho mek a ni.

Post a comment

Powered by Blogger.