Hontrade Ṭhazual Lengzem-ah Kimkima chuan hmunsang ber a luah a, 'Sarah I zunzam' tih hla hmanga mipuite min awitu hi a vul chhunzawm zel.
Hontrade Ṭhazual Lengzem Kimkima a vul zel - Sarah I zunzam
Kimkima hian a hla hit hmang hian Ṭhazual chart-ah a ber nihna hi a lo hauh tawh a, tun ṭumah pawh tuma tluk rual lohin a dinhmun ngai a rawn luah leh ta a ni. Tunlai ṭhalaiten kan sakpui dual dual theih 'Sarah, I zunzam' tih hla hi Music Domain Mizoram (MDM) chuan November 16 khan an youtube channel-ah an upload a, en pawh a hlawh hle. Hla sakpui nuam leh lungkuai tak a nih vangin local channel lamah pawh thlan hlawh ber a ni mek.
Tun ṭum chart-ah hian 'Zoram rohlu PUC' tih hla hmangin PUC Varoius Artists chuan pahnihna an rawn hauh a, an hnuai chiahah hian Henry Lalmalsawma Renthlei chu a awm ve thung. Henry hi top 10-ah a lang rei tawh fu a, tlakhniam deuh chang nei bawk mah se chart a chhuansan meuh lo. Vawi eng emaw zat pakhatna lo hauh tawhtu Feli Fanai chu palina-ah a awm ve thung a, a ni pawh hi nikum October thla aṭang khan chart-ah hian a hmel kan la hmu char char a ni. F. Zomuanpuia leh HT Lalthanzami te chu 'Hmangaih Mengmawite' tih hla hmangin pangana an hauh ve bawk.
Top 10-ah hian F. Zomuanpuia leh HT Lalthanzamite hi mimalin an lang ve ve bawk a, annni bakah hian Josephine Lalawmpuii, Zorinzuali Khiangte leh Sena Hlondo te an lang bawk.
Hontrade Ṭhazual Lengzem Top 10
1. Kimkima - Sarah I zunzam
2. PUC Varoius Artists- Zoram rohlu PUC
3. Henry Lalmalsawma Renthlei- Run hmun leng ila
4. Feli Fanai - Pheichehmawi I khai ang aw
5. F. Zomuanpuia ft HT Lalthanzami - Hmangaih Mengmawite
6. Josephine Lalawmpuii - Ka tlin tawk
7. Zorinzuali Khiangte - Lunglen a na
8. HT Lalthanzami - Ka hmamngaih che che a sin
9. F. Zomuanpuia - Lung a leng e mai
10. Sena Hlondo - Chhhingmittui
Post a Comment