Mizo Youtube Channel Zinga Sum Hmu Hnem Ber Music Domain MizoramMDM-in Youtube aṭanga an sum hmuh Zaithiamte hnenah sem chhuak

Music Domain Mizoram  (MDM) chuan a vawi thumna atan MDM Youtube channel aṭanga an sum hmuhte chu zaithiamte hnenah an semchhuak leh ta. 


MDM Youtube channel-ah hian zaithiamte music video chu upload ṭhin a ni a, hetaṭanga sum lutte hi zaithiamte hnenah hian semchhuah leh ṭhin a ni. Heng an sum hmuhte hi kar kalta Inrini khan MDM Office-ah sema ni a, zaithiam mi pasarihte hneah hlan a ni. MDM Youtube channel-ah hian MDM artist-te video eng emaw zat upload a lo ni tawh a, heta ṭanga sum lutte hi a video neitu zaithiamte hneah hlan ṭhin a ni. 

Tun ṭuma MDM-in sum a semchhuah hi, Bethsy Lalrinsangi, Cindy Lalthanpuii, Dj Lalvenhimi , Feli Fanai, Kimkima, Manuna leh Zorinzuali Khiangte ten an dawng a, Rs. 20,000/- sem chhuah a ni. Tun ṭuma dawng zingah hian thla hmasa lama lo dawng tawhte pawh an awm nual a ni. MDM chuan Youtube channel aṭanga an sum hmuhte hi a neitu diktak zaithiamte hnenah a remchan dan ang zelin an pe chhuak ṭhin dawn tih an sawi.

Mizo Youtube Channel Zinga Sum Hmu Hnem Ber Music Domain Mizoram

Mizo Youtube Channel Zinga Sum Hmu Hnem Ber Music Domain Mizoram
MDM hian kum 2013 aṭang khan mumal takin thlatin 'Royalty' an lo semchhuak tawh ṭhin a, tun thleng hian zaithiamte hnenah cheng nuai 32 chuang a semchhuak tawh a, nikum January - November thla chhung khan cheng nuai khat chuang an sem chhuak bawk. 

Post a comment

Powered by Blogger.