K. SAPDANGA HI SORKARNA THLAKTU A NI, A SIAMTU NI LOVIN

Ziaktu- K.C. Lalthansanga

Vanglaini Editor leh Zonet neitute zinga mi Pu K. Sapdanga hian ram siamṭhatna atan theihtawp a lo chhuah tawh ṭhin a, chumi atan a lo pen chhuak fo tawh a, Mizoramah danglamna a siam ṭhin. 

Hetiang deuh hian:

Mizoram Election 2018 Poilitics: Kum 1989 inthlanah khan Pu K. Sapdanga telna pawl Mizo National Union (MNU)* chuan inthlan an chuh a, bial 34-ah chuhin pakhatmah an tling lo (he party hi Pu Lalduhoma kaihhruai kha a ni). Amah Pu K. Sapdanga ngei pawhin Serchhip bialah chuh vein vote 97 a hmu ve nghe nghe. Chutih laia sorkarna siamtu MNF (President Rule-a a awm lai a ni a, chumi hmaa sorkarna siamtu chu MNF a ni) a tla a, Congress an sorkar.

Kum 1998 inthlanah khan Citizens' Common Front tiin Pu K. Sapdanga hote hi an rawn lang chhuak leh a. Party ṭhenkhat thawhpuia ṭangrual pawl din tum mah se, Pu Lalduhoma hruai MNF(N) leh Evangelist tamna pawl pakhat 'Zoramthar' nen ṭangkawpin inthlan an chuh a, bial 32-ah candidate siam mah se, khawi bialah mah an tling lo. Mahse, sorkar lai Congress an tla a, MNF an sorkar.

Kum 2008 inthlanah khan Mipui Ṭangrual Pawl (MṬP) tiin Pu K. Sapdanga hote hi an rawn inlar leh a, a meizanghlaptu zingah tuna ZPM hruaitu Upa Lalliansawta pawh a tel. He inthlan dawnah hian Youth Movement for Mizoram (YMM) te, Pu M. Lalmanzuala pawl Mipui Pawl (MPP) te pawh a ding. Kum dang ang lo takin, he inthlanah hian Pu K. Sapdanga pawlte hian inthlan an chuh lo va, thawm erawh an nei lian hle thung. He inthlanah hian sorkarna siam mektu MNF an tla a, Congress-in sorkarna an siam.

Kum 2018 inthlan lo awm turah Pu K. Sapdanga hote hi Zoram Exodus Movement (ZEM) tiin an rawn ding chhuak a, tun ṭumah chuan kum 1998 ang lo takin party tenau pahnih ZNP (MNF-N kal zel) leh MPC an kuah thei ta a, an thawhhona hmingah pawh Zoram Peoples Movement (ZPM) an ti a, inthlan an chuh dawn niin a lang. An nil leh nil loh tur chu hunin a la hril ang chu.

Hetiang hian khaikhawmna angreng deuh siam tawh ang aw..

  • Pu K. Sapdanga hi kum 10 dana lo lang ṭhin a ni.
  • Pu K. Sapdanga a rawn inlan apiangin sorkarna siam mektu an tla ngei ngei.
  • Pu K. Sapdanga telna party/pawl reng reng inthlanah an la NIL ziah.
  • Pu K. Sapdanga leh Pu Lalduhoma te hi 1989 leh 1998 inthlanah te an lo thawkho tawh a, an la HLAWHCHHAM zel.
  • Pu K. Sapdanga telna pawl leh a thawhpui party dingchhuak an la awm ngai lo. 1989-ah MNU, 1998-ah CCF & MNF(N), 2008-ah MṬP, 2018-ah ZEM/ZPM (?)!

Post a comment

Powered by Blogger.