RFL Plastics MFA Futsal League Durtlang An Sang Ber - TIMES OF MIZORAM

Breaking

Home Top Ad

Post Top Ad

RFL Plastics MFA Futsal League Durtlang An Sang Ber

Mizoram Football Federation MFA LeagueMFA Futsal League: RFL Plastics MFA Futsal League Group B hmaruaitu ni turin Durtlang chuan Ningani zan khan Laipuitlang chu 3-1 in an hneh a. Inkhel dangah Armed Veng South leh Ramhlun Venglai te goal awm loin an inhnehtawk a, AVS hian hneh loh la tawng lo mah se vawi hnih an khingpui an draw tak avangin round 4 khelh zawhah pahnihnaah an lungawi a ṭul.

R. Dengṭhuama Multipurpose Hall, Mualpuiah MFA Futsal League hi khelh a ni a, group B-ah hian team riat awmin a sang paliin quarterfinal an lut dawn. Ramhlun North-in match li a zawna an chak lohna ni turin Ramhlun South 3-9 in an hneh lo a, knockout stage an luh a rinawm tawh loh. Dintharin quarterfinal beiseina chhi nung turin Ramthar Veng 4-3 in an hneh bawk.

Group B bikah match 16 awm tawhin goal 129 a lut tawh a, Dinthar player George MS Dawngliana'n match tinah goal la khung vekin goal 9 a khung tawh a, top scorer a ni mek. Tualchhung football-a goal khungtu langsar Malsawmfela'n futsal lamah pawh goal khung zelin goal 8 a khung tawh a, Ramhlun South tlangval hi Armed Veng South player Lalnunsanga Hnamte (7) leh Durtlang player Lalfelkima (6) ten an dawt.-Vanglaini

Post Bottom Ad