Mizoram Ramri Chungchang - Mizoram Politics - TIMES OF MIZORAM

Breaking

Home Top Ad

Post Top Ad

Mizoram Ramri Chungchang - Mizoram Politics

Ramri ngaihthahah Congress leh MNF puh:
Mizoram Ramri Chungchang - Mizoram Politics

MPC party ṭhalaite chuan thuchhuah siamin, Congress leh MNF party-te chu kum 30 chuang ro an rel chhunga ramri venhimna leh enkawlna ngaihthahah an puh a, "Ram dang mi dan loa Mizorama lut ru an pung zel hi thanat thlak kan ti a, Mizoram humhalh zo lo Congress leh MNF party-te hi kan hnam hmelma lian takah kan ngai," an ti.

MPCY chuan, tun hnaiah Hortoki khaw ramah Chakma foreigner chhungkaw paruk chu ram neitute mitmei venna nei loin awmhmun an béngbel ngam thu te, Tlabung Sub-Division chhunga Khojoysury khuaa dan loa inbéngbel Lokhi Ranjan leh a nupui Dinopudi Chakma ten Mizoram khua leh tuite chanvo ang changa an khawsak theih reng thute an sawi a; Congress sorkarin ramri a venhim zawh loh vang leh dan loa Mizorama lut ru Chakma foreigner an ngaihthahzia tilangtu a nih thu an sawi a ni.

MPCY chuan, "Chakma foreigner-te kan ramah an inbéngbel tawh tih hrereng chunga Congress sorkarin ngaihmawhna nei lo leh dap chhuaha thawn kir tumna hmelhmang a pu lo thei hian ram leh mipuite hmakhua an ngaih lohzia a tilang hleah kan ngai," an ti.-Vanglaini

Post Bottom Ad