Rashtriya Swasthya Bima Yojana (RSBY) leh Mizoram State Health Care Scheme - TIMES OF MIZORAM

Breaking

Home Top Ad

Post Top Ad

Rashtriya Swasthya Bima Yojana (RSBY) leh Mizoram State Health Care Scheme

RSBY-a inziak lutte sorkar damdawi-inah Pawisa seng loa enkawltur an ni: Health department chuan nimin khan Synod Conference Centre, Aizawlah Rashtriya Swasthya Bima Yojana (RSBY) leh Mizoram State Health Care Scheme 2018-19 zirhona an buatsaih a, Health minister Lal Thanzara'n a hmanpui. Workshop-ah hian RSBY hnuaia inziak lutte chu sorkar damdawi-inah chuan sum seng lo (cashless)-a enkawl tur a nih thu tarlan a ni.
Rashtriya Swasthya Bima Yojana (RSBY) leh Mizoram State Health Care Scheme

Health Minister chuan, Mizoramah Health Care Scheme chu kum 2008 aṭang leh RSBY chu kum 2010 aṭangin kalpui a nih thu a sawi a, "RSBY smart card hman phawt a ni a, chumi zawhah health care scheme atan hman leh a ni. Kumin hian Senior Citizens Health Insurance Scheme (SCHIS) kalpui tum a ni a, kum 60 chinte chuan Rs. 60,000 thleng an hmang thei dawn a ni," a ti.

Pawisa Seng Loa Inenkawl Theihna Tur Health Care Scheme:
RSBY chu mi harsa zawkte tan scheme ṭha tak a nih thu sawiin Lal Thanzara chuan, "Mizoram bik phei chuan tum ṭhum lai RSBY-ah thawh ṭhat lawmman kan dawng tawh," a ti a; RSBY atana hming ziak lut pawh kum dang aia tam zawk an nih ngei a beisei thu a sawi.


RSBY hi sorkar laipuia Ministry of Health & Family Welfare kalpui a ni a, BPL, MNGREGA job card neitu, Industries department hnuaia weavers register-te leh street vendor-te tana health insurance scheme a ni.

RSBY hmang thei chhungkuate'n hming ziah luhna atan Rs. 30 an chawi a, an thlalak leh kut zia (finger print)-te lain smart card pek an ni. Smart card hmang hian kum khatah damdawi-ina inenkawlna senso Rs. 30,000 thleng a thlawnin an hmang thei.

Kum 2018-19 ah chuan Senior Citizens Health Insurance Scheme nen kalpui tum a ni a, hemi hnuaiah hian kum 60 chin chung lamte chuan Rs. 60,000 thleng an hmang thei ang.

Scheme hi sorkar laipuiin a duan angin, insurance company kaltlanga kenkawh a ni a, insurance company Bajaj Allianz General Insurance Company Ltd. kenkawh tur niin, April 1, 2018 aṭanga March 31, 2019 thleng a ni ang. Damlote'n smart card kengin damdawi-inah an kut zia finfiah a nih hnuin, enkawl man chawi loin enkawlna an dawng dawn a; sorkar damdawi-inah chuan sum seng lo (cashless)-a kalpui vek tur a ni.-Vanglaini

RSBY-a inziak lutte sorkar damdawi-inah Pawisa seng loa enkawltur an ni

No comments:

Post a Comment

Post Bottom Ad