republic day mizoram chuan a lawmVawiin hian Serchhip DC Meeting Room ah Bawrhsap Pi Sangchhin Chinzah hovin kan hma lawk January ni 26 a lo thleng tur India Republic Day vawi 69 na lawm dan tur relin mi pawimawh te an thukhawm a. Republic Day hlawhtling tak hman a nih theih nana tih tur pawimawh hrang hrangte rel a ni. 

Pi Sangchhin Chinzah chuan, India ramin ama siam ngei ram danpui a hman tanna ni hriatrengna, ram tana ni pawimawh tak hlawhtling taka Serchhipa hman a nih theih nan sawrkar hnathawk zawng zawngte, tlawmngaipawl leh khawtlang hruaitute leh kohhran hotute thawhpuiah a sawm a. Tha taka hman a nih theih nana Department hrang hrang leh mimal hrang hrang te hnena tih tur an intukte tha taka tihlawhtling theuh turin a ngen bawk. 


Meeting chuan, a hmanna hmun lian ber atan Khawtetlang Field a thlanga, a hun atan zing dar 11:00 ruatin, Ground a hun hman zawhah hian DC Bungalow ah At Home Tea Party neih nghal a ni ang. He niah hian khuallian atan Bawrhsap ruat a ni a. Parade Contingent 17 vel ruahman a nih bakah 10th AR ten Weapon Display an nei ang a, Dog Show hlawhtling tak lo nei tawh thin Pu KL Hmingliana’n Dog Show a buatsaih bawk ang. He ni denchhen hian Volleyball Tournament buatsaih tur a nih bakah Home leh Jail te hnenah thilpek buatsaih tur a ni bawk. 

Vawiina meeting hian Republic Day hmanna hmun sawngbawl leh thil tul dang hrang hranga mawhphurtu turte a ruat fel nghal bawk a ni. -DIPR

Meeting ah hian District Officers te, tlawmngaipawl leh khawtlang hruaitute, chanchibumite leh sawm bik mi pawimawh engemawzat an tel a ni.

Post a Comment

Powered by Blogger.