Mizoram To Host Indian Film Festival At AizawlJanuary 23-25 chhung hian Mizoram chuan a vawi khat nan Indian Film Festival a thleng dawn a, inbuatsaihna pawh kalpui chhoh mek a ni. Festival-a inlan turte hi an hrawl hlawm hle a, India-ah pawh a ber kai te an ni hlawm. 

Ni thum awh tur he Film Festival chhim tur hian Sushant Singh, Rahul Mittra, Umesh Shukla leh Shahnaab Alam-te an lo kal dawn a, anni bakah hian film maker á¹­ha eng emaw zat an lo kal dawn. Savdhaan India star Sushant Singh chanchin sawi tam a ngai lo a, Savdhaan en á¹­hin leh ngai hlu tan chuan Sushant Singh lo kal hi hmaih phal chi a ni lo ang. Uttar Pradesh lam chhuak 'actor' hi a boruak len lai leh larvang lai a nih bawk avangin boruak nei lian ber tura ngaih a ni. A mah hrechiangtute chuan a hming lam ringawt pawhin a hmuihmul nen kan mitthla thiam theiin a rinawm! 

Tun á¹­uma lo kal tur zingah hian Rahul Mittra pawh a tel a, a ni hi actor a nih piah lamah, producer a ni tel bawk. Rahul Mittra hian journalism lamah sulhnu á¹­ha tak a lo hnutchhiah tawh a, kum eng emaw zat a lo chenchilh tawh hi chhuansanin film indusrty-ah ke a pen lut ta a ni. A kutchhuak zingah nikuma tihchhuah Indian political crime thriller film, Sarkar 3 te, Saheb Biwi Aur Gangster Returns (2013), Saheb Biwi Aur Gangster (2011) leh Bullett Raja (2013)-te chu a lar zual a ni. Sarkar 3-ah hian Bollywood super star Amitabh Bachchan pawh a chang a, Amitabh-te nena lo thawkho tawh hian Mizoram leilung a rawn rap dawn a ni. Sarkar 3 hi tun á¹­uma Film Festival neih turah pawh hian chhuah a ni dawn bawk. 


Umesh Shukla pawh hi Indian film director zingah chuan mite hriat hlawh ber pakhat a ni. Actor ni bawk Shukla hian film eng emaw zat a lo chang tawh a, Bollywood-ah chuan a mikhual lo hle. Akshay Kumar leh Paresh Rawal-te channa 'Oh My God' kha a direct niin, tun á¹­uma festival neih tur pawh hian chhuah a ni ang. Tun hnaia film chhuak 'All Is Well' leh '102 Not Out'-te pawh kha a kutchhuak zinga langsar an ni bawk. All is Well-ah hian Bollywood star Abhishek Bachchan a thawhpui bawk a, hetiang mi hian Mizo film indusrty-in hma a sawn phahna tur thil tam tak a rawn keng tel ngeiin a rinawm. 

Shahnaab Alam pawh hi The Lunchbox (2013), D-Day (2013) leh Ugly (2013)-te lo produce tawhtu a ni a, a sulhnu en hian film siam lamah chuan a theuneu lo hle tih a chiang. Kum 2004-a tihchhuah 'Dhoom'-ah khan executive producer a ni a, heng bakah hian a kut chhuak film lar leh hlawhtling tak tak a awm nual. 

Heng kan sawite bakah hian Russian-Italian film maker Katerina Tarbo-ignatenko pawh he film festival chhim tur hian a lo kal dawn bawk. Assamese actress Zerifa Wahid pawh festival chhimtu tur zingah hian a tel a, Miss Mizoram Rody H. Vanlalhriatpuii pawh a inlan ang. Kan tual zawlah ngei India ram film industry-a mi chal lang tak takte an lo kal tur hi a lawmawm hle a, he lama tui mite tan chuan Vanapa Hall pan loh chi a ni lo ang. -Vanglaini

Post a Comment

Powered by Blogger.