MZU-in UG semester exam result a tichhuak:
Mizoram University (MZU) Examinations department chuan MZU hnuaia nikuma under graduate zirlai, first semester, third semester leh fifth semester exam result nimin khan a tichhuak a; regular, repeater leh improvement exam result tihchhuah nghal vek a ni.
Semester pathum - 1st., 3rd. leh 5th. semester-ah hian stream pali - Arts, Science, Commerce leh Home Science-ahte a pumpuiah zirlai 18,288 examin, chu'ng zinga 11,278 chu an pass a, pass percentage chu 61.67 a ni.
Bachelor of Arts 1st. semester-ah zirlai exam 6,606 zinga 3,531 (53.45%) an pass a, 3nd. semester-ah zirlai 4,958 zinga 2,914 (58.77%) pass in, 5th. semester-ah zirlai 3,675 zinga 2,707 (73.66%) an pass. B.A-a semester pathumah hian zirlai exam 15,239 zinga 9,152 (60.06%) an pass a ni.
Bachelor of Science-ah chuan 1st. semester-ah zirlai exam 814 zinga 441 (54.17%) an pass a, 3rd. semester-ah zirlai 683 zinga 424 (62.08%) leh 5th. semester-ah zirlai 575 zinga 460 (80%) an pass. B.Sc. semester pathumah hian zirlai exam 2,072 zinga 1,325 an pass a, pass percentage chu 63.94 a ni.
Bachelor od Commerce-ah chuan 1st. semester-ah zirlai 356 zinga 245 (68.82%), 3rd. semester-ah zirlai 307 zinga 280 (91.21%) leh 5th. semester-ah zirlai 246 zinga 233 (94.72%) an pass a; belhkhawmin zirlai exam 909 zinga 758 (83.38%) an pass.
Bachelor of Home Science-ah chuan 1st. semester-ah zirlai 24 zinga 12 (50%), 3rd. semester-ah zirlai 30 zinga 19 (63.33%) leh 5th. semester-ah zirlai 14 zinga 12 (85.71% an pass a; belhkhawmin zirlai exam 68 zinga 43 an pass a, pass percentage chu 61.67 a ni.
Post a Comment