NABARD Mizoram hnaruak
NABARD chuan Mizoram sawrkar hnenah Rural Infrastructure Development Fund (RIDF XXIII) atangin Rs  12329.870 lakh a sanction a. He sum hi kawng siamna tur project pali leh lei dawhna tur project pakhat a ni. Heng project zawng zawnga sum hmanral tura ruahman chu Rs. 13699.850 lakh niin, Mizoram sawrkarin tum tur a nei ve dawn a ni.

Heng project panga Public Works Department (PWD) thawh turte chu i) Improvement and Strengthening of Champhai-Khawbung Road upto R.Khawchhaktuipui, Champhai district (Rs. 4890.05 lakh), (ii) Approach Road to Marpara South, Lunglei district (Rs. 430.70 lakh), (iii) Construction of Rigid Pavement from Buhchang to Phaisen Road, Kolasib district (Rs.3937.30 lakh), (iv) Construction of Chheihlu-Chakhang Road, Siaha district (Rs. 2200.00 lakh) leh lei project pakhat - Construction of Double Lane Built-Up Steel Girder (BUSG) Bridge over R. Lagkaih,  Mamit district te an ni. 

Road project pahnih (i) Approach Road to Marpara South, Lunglei district leh (ii) Construction of Rigid Pavement from Buhchang to Phaisen Road, Kolasib district te hi kum 2018-19 chhunga zawh hman beisei a ni a. Road project pakhat ‘Construction of Chheihlu-Chakhang Road, Siaha district’ leh lei project ‘Construction of Double Lane Built-Up Steel Girder (BUSG) Bridge over R. Langkaih, Mamit district’ te hi kum 2019-20 chhunga zawh hman beisei an ni. Tin, Champhai-Khawbung Road hi kum 2020-21 chhunga zawh hman tura ruahman a ni. 
nabard leh mizoram sawrkar

Heng project-te hian thingtlang mite inkalpawhna nasa takin a ti hmasawn dawn a. Thingtlang miten khawpui lama zirna in an panna te, bazaar an kalna te, damdawi in an panna kawngte a hnaih phahin a nuam zawk dawn a. Ration buhfai leh a dangte pawh mumal zawkin an hmu thei bawk ang. Heng project thar avang hian oil hman a tlem ang a, kawng a tawi phah bawk dawn a, hna tam tak thawh tur a siam bawk dawn a ni. -DIPR

Post a comment

Powered by Blogger.