Solomona Temple hawn a ni ta

Mizorama biakin lian ber leh South-East Asia a Solomon’s Temple awmchhun,  Kohhran Thianghlim ten an sak, Solomona Temple chu Dt. 25.12.2017 khan Dr. L.B. Sailo, Chairman, Executive Committee, Kohhran Thianghlim  chuan plaque pawt pharhin a hawng.

Solomon's Temple in Aizawl Plague pawh pharh hmain Dr. L.B. Sailo chuan, “Lalpa he i Temple hi kumkhuaa i inlarna turin ka hlan a che. Thlarau Thianghlim, he Temple a i mite an rawn inkhawm apiangin nang chu i mite thinlungah rawn inlar thin ang che. Nazareth Isua Krista ngei chu he Temple-ah hian tun atanga chatuan thlengin chawimawiin lo awm zel rawh se. Aw Lalpa, he i Temple hming lam ria i thlante an tawngtai apiangin i chenna van hmun atangin lo chhang thin ang che. Lal Isua Krista Kraws ropui nan he Temple Thianghlim hi ka hawng e,” ti a sawiin mipuiin chunglama ban pharin ‘Halleluiah Amen’ vawi thum an lo pe a Temple chu hawn a ni ta.  

Solomon's Temple in Aizawl Dt. 23.12.1996-ah Temple  lungphumna neih a ni a. A sak dan ruahmantu hi Dr. L.B. Sailo a ni. Kum 1991-ah khan Pathianin a mumangah biakin hmelhmang leh ruangam a hriattir a, chumi zulzui chuan sak a ni. Biakin hmai pali hian chhim, hmar, chhak leh thlang a hawi chiah chiah a, kawngkapui 12 a nei a, pillar pali leh tower pali a nei bawk. A chhungah hian ban pakhat mah a ding lo.  A pawn lamah hian Busleara marble bel vek niin, a chhuatah hian red sandstone phah vek a ni bawk. A dung leh vang awm chuang lovin, Ft. 180 bial a ni a, a chhûng tlak hi Ft. 120 bial a ni thung. A chhûngah hian mi 3000 thutna a leng a, compound zau tak a nei bawk. Kum 1999 leh 2000-ah khan Solomon’s Temple hian Mizoram sawrkar atangin ‘Green Mizoram Outstanding Performance’ a lo dawng tawh a ni.
Solomon's Temple in Aizawl
A sakna atân hian cheng vaibelchhe 18 sen ral a ni a, hmanraw manah vaibelchhe 10, mistiri rawih man atan vaibelchhe 3.50 leh hnatlang tha ah cheng vaibelchhe 4.50 hman ral a ni. Hnatlang thâ hi 3,00,000 zet sen a ni.

Kohhran Thianghlim (The Holy Church) hi kum 1984-ah Dr. L.B Sailo kaltlangin din a ni a, kohhran mipui inchhiarna leh hming ziahna neih a ni ngai lo a, fatir vana hmingchuang kohhran apiangte an ni. Mizoram hi Division pasarihah then a ni a, division hian tualchhung kohhran tam tak a khaikhawm a ni. Kohhran Thianghlima rorelna sang ber chu Executive Committee tih a ni.


 Source : http://kohhranthianghlim.org



solomon temple aizawl
solomon temple aizawl solomon temple aizawl

 solomon temple aizawl

solomon temple aizawl
 solomon temple aizawl

solomon temple aizawlsolomon temple aizawl




solomon temple aizawlsolomon temple aizawl

solomon temple aizawl
 solomon temple aizawl

solomon temple aizawl
 largest temple in asia india


Images from Instagram

Post a comment

Powered by Blogger.