THE MIZORAM JUDICIAL SERVICE" LEHKHABU TLANGZARHVawiin khan Deputy Govt. Chief Whip Pu R.L.Pianmawia chuan Agriculture Conference Hall, Tuikual, Aizawl ah Pu R. Lalthazuala, District & Sessions Judge (Retd.) lehkhabu ziak "THE MIZORAM JUDICIAL SERVICE" a tlangzarh.

Pu R.L.Pianmawia chuan Pu R. Lalthazuala lehkhabu ziah "THE MIZORAM JUDICIAL SERVICE" chu lehkhabu rotling leh hlu tak anih thu sawiin mipui mimir ten tangkaipui em em lo mahse a hlutna leh pawimawhna hi sawihnawm chi a nilo a ti.

THE MIZORAM JUDICIAL SERVICE" LEHKHABU TLANGZARH

"THE MIZORAM JUDICIAL SERVICE" lehkhabu ah hian Lushai Hills district lo awm tan atangin Mizoram Judicial Service a rawn pian dan te, Separation of Judiciary hman anih dan te bakah tun thlenga Mizoram judicial service member te chanchin ziahlan a ni.


Lehkhabu ziaktu Pu R.Lalthazuala hian kum 1983 ah Judicial Officer niin Mizoram Sawrkar a zawm a, Mizoram Judicial Service a lo pian theihna tura sulsutu pakhat a ni. kum 2010  khan District & Sessions Judge niin a pension a, amah hi Mizorama District & Sessions Judge  hmasa ber pahnih te zing ami a ni. "THE MIZORAM JUDICIAL SERVICE" hi lehkhabu paruk a ziahna niin Rs. 400/- a zawrh chhuah tur a ni.

Lehkhabu tlangzarh programme hi Dr. Rualkhuma Colney, Principal, Govt. Mizoram Law College chuan kaihruaiin Pu Laldinpuia Tlau, MJS, Deputy Registrar, Gauhati High Court, Aizawl Bench-in lehkhabu chhungthu thlirlawkna hun a hmang bawk.-DIPR

Post a comment

Powered by Blogger.