Jenet-i'n music video thar peih leh ta
'I luah zo ngei' tih hla hmanga Hontrade Ṭhazual Lengzem chart-ah pawh top 3 lo kai tawh Jenet-i chuan hla thar a nei leh ta a, music video pawh peihfel a ni tawh. Jenet-i hla thar hi 'Ka lal fapa' tih a ni a, MDM-ah pekluh tawh niin, zanin hian Zonet lamah tihchhuah hman beisei a ni. A hla hi Lalnunzawm Jongte phuah niin, music hi Jt production siam sak a ni. Jenet-i'n hla thar nen kum bul a rawn ṭan a, music video tam zawk pawh beisei a sual lo ang.
Sawmtea hla thar 'I fak zel ang'
Ṭhazual Award 2017-a 'Best Male Artist' atana thlan Sawmtea chuan award a dawn hnua a hmasa ber atan hlan thar a tichhuak dawn ta a, zanin hian Zonet Zawlbuk-ah tihchhuah a ni ang.
'I fak zel ang' tih hi Singapore lama khawsa pastor Cin Kim hla niin, Mizo rilrem tur zawng tak lawmthu sawina lam hla a ni. Music video hi nikum November thla khan shoot zawh a lo ni tawh a, mipui hmuh theih tura pho chhuah a ni dawn ta a ni. Music hi Lal K Sailo siam niin, Foster Records-ah recording tih a ni. Video hi Andrew Lalbiaknunga siam sak niin, Salvation Army ṭhalai lamthiam tak takten Tambourine nen lamin an lo puibawm a ni.
Post a Comment