![2018 Chapchar Kût thupui 2018 Chapchar Kût thupui](https://blogger.googleusercontent.com/img/b/R29vZ2xl/AVvXsEheRt1FkEKomrT7UR4AJxuLwPiexT3Py2uCa-Mgn2iJlJPfPV8evPwItcHsrcMC6MWEkDHzIX29035XAZza38VVARecFQReyl-Iid2fF0RRENCJh_vCLJDU4z-MXE0_khCGSde9ebjQprM/s320/Mizoram+Chanchinthar.jpg)
March 1-2-ah Chapchar Kut hman a ni dawn a, a hmanna pui ber, Aizawlah chuan Lammuala hman tur a ni. Kût ni khatnaah Art & Culture Minister chu kût pa a ni ang a, a ni hnihnaa kût pa atan Myanmar Chin state chief minister Sailai Lianluai sawm niin, kût thlengtu chu chief minister Lal Thanhawla a ni ang.
Kumin hian Kût chhungin No Vehicle Zone siam tum a ni a, kût hmang tura kalte tan parking fee chawi ngai lo turin 'free parking area' siam a ni ang.
Kût boruak siam thei turin flag leh t-shirt bakah, langsar takin Mizo taka chei banner hmun hrang hrangah tàr tum a ni a, Lengpui Airpor-ah leh hmun dang remchang laiah khualzinte hmuh theih tura tàr chhuah a ni bawk ang. Kût hapta chhungin Mizo mipui a tam thei ang ber Mizo thuama inthuam turin Organising Committee chuan an ngen a, Mizoram sorkar hnathawkte tan Mizo thuam hâk ni siam a ni dawn.
Vanapa Hall-ah Chapchar Kût photo exhibition buatsaih a ni dawn a, Lammual volleyball court-ah handloom and handicraft exhibition leh food court siam tum a ni bawk.
Post a Comment