hpcd that a nihZosangbera kaih­hruai Hmar Peoples Conference (Democrat)-a finance secretary Norbar Sanate (47) chu January 27, 2018 zan dar 9 vel khan Cachar district-a Hmarkhawlianah silaia kah hlum a ni. He thil thleng duh loh lantir nan hian Hmarkhawlian mipuite chuan nimin khan an khuaah kawng an zawh.

Thu dawn danin, Norbar Sanate hi zan dar 9 vela tuallaia a lêng chu kah hlum a ni a, a ruang chu police-in lain, January 28 khan Silchar Medical College-ah endik a ni.


Norbar Sanate hi April 16, 2015 khan Silchar-ah Mizoram police-in HPC(D) army chief Lalropuia Famhoite leh mi dang pakhat nen an lo man tawh a; Mizoram sorkar leh HPC(D), Zosangbera kaihhruaite inkara inbiakna neih a nih avangin December 2016 khan Aizawl Central Jail aṭangin PR bond hmanga chhuah a ni.

Hmarkhawlian mipuite chuan an khuaa inkahna leh tualthahna a thleng chu an duh lo a, an duh lohzia leh remna leh râlmuanna an duhzia lantir nan nimin khan an khuaah kawng an zawh a, mi ṭhahnem tak an tel nia thu dawn a ni.

Post a Comment

Powered by Blogger.