HOME MINISTER IN JUNIOR ENGINEER SERVICE ASSOCIATION OF MIZORAM GENERAL CONFERENCE A HMANPUI

JUNIOR ENGINEER SERVICE ASSOCIATION OF MIZORAM

Vawiin khan Home Minister Pu R. Lalzirliana chuan Junior Engineer Service Association of Mizoram (JESAM) General Conference vawi 3na Tourist Lodge Chaltlang-ah a hmanpui.


Home Minister Pu R. Lalzirliana chuan engineer te chu sawrkara mawhphurhna pawimawh tak chelhtu, ram hmasawnna tura thiamna pawimawh bik neite in ni, a ti a. Ram changkang zawkte hmasawnna zir a, kan ram tana tangkai leh tha tur ngaihtuah kawngah rilru seng tura chahin chan chhe zawkten sawrkar zar an zo a, Mizoram mipuiten inkhairual taka hma kan sawn theihna tur chu mut mawh hnar mawha neih a tul, a ti a. Minister chuan mahni hna chelh lai tling tawk (competent) taka thawk turin hriatna leh thiamna lamah intuaithar a, mahni kova tla tawh chu theihtawp chhuaha bawhzui a, ti hlawhtling mi ni turin JESAM memberte a chah a . Pu R. Lalzirliana chuan JESAM memberte chu thil diklo hnawl ngam a rinawm leh rintlak taka hna thawk turin leh, thil thar tha zawk ngaihtuaha kalphung hlui thlak a hun pawha hotute finchhuah tura hrilhin ram leh hnam tan theihtawp chhuah zel turin a chah bawk a ni.

JESAM General Conference ah hian Pu P.C Lalthanliana General Secretary JESAM chuan report pe in an pawl hmalakna te a tarlang a, Chawhnu lamah inthlan leh rorel hun hman chhunzawm nghal a ni.

Junior Engineer Service Association of Mizoram hi kum 2015 a din niin, tun dinhmunah member 800 vel an awm mek a ni.-DIPR

Post a comment

Powered by Blogger.