LITERATURE THIL TIH THEIH ZIA

By: B Chhuana

Literature thil tih theih zia hi sawi dawn chuan sawi sen ani lovang,ahmasain Literature awmzia sawi hmasa ila,Literature tih hian thuziak Lehkhabu (chanchinbu) zawng zawng ahuam vek a,chutiang thu leh hla sawina hi Literature chu ani.

Heng thu ziak thu leh hla te hi aziaktu ten rilru tam tak senga anziah leh buatsaih ani tlangpui a,chung lehkhabuah te chuan finna leh thiamna ropui tak tak ain phum a,chhiar peih phawt chuan hriatna leh finna rahbi khat tal tangkaina kan chhar phah nghe nghe thin.

Lehkhabu chhiar tam hian mimawl chu mifing takah asiam thei a,misual tak pawh mitha takah achher chhuak thei a,mi chapo takte pawh mi inngaitlawm tak anih tir thei a,mi beidawng mekte pawh beiseina eng ahmuh tir thei bawk etc, Tlangval pakhat beidawng tak a intih hlum tum pawh tuichhunchhuahah zuan thlak atum a,abul maiah lehkha lo lang chu lain achhiar a, chu lehkhaah chuan " Think it over"(uluk takin han ngaihtuah leh teh) tih alo inziak kalh mai a,arilru pawh akawih ta hle,thihna kotlanga ding mek chu beiseina thar nen inah ahaw leh ta ani,kha lehkha chhiar khan anun azuah phah ta ani.

Mi thenkhar chuan Lehkha zir san loh vangin mimawlah anin dah mai thin a,lehkha zir sang kher lo pawn mi ropui mi thiltithei tak anih theih tho tih hi kan hriat reng atha awm e,

America president ropui tak Abraham Lincoln a pawh kum khat bak sikul akal lo,mahse lehkhabu achhiar nasa a,ahmuh phak leh ban phaka lehkhabu zawng zawng achhiar zo va,Bible phei chu nitin darkar khat achhiar ziah e anti,Lehkha zir sang lo mahse khawvel mi ropui leh thiltithei ber te zinga chhiar tel a ni thei tlat a ni.Hnamfing leh changkang apiangin lehkhabu chhiar an uar a,Japan ho leh S Korea hmasawnna em emna chhan pawh an thalaite n Lehkhabu chhiar an uar a antaima bawk,tin lehkhabu chhiar an in zirtir nasa bawk,England ram khu anram ate viau naa,thu leh hla,(Literature) lamah an hausa em em thunga,hriatna buh zem tih hial an hlawh anih kha,Khawvela ram ropui leh thiltithei ber te zinga ami ani thei tlat ani,lehkhabu chhiar hian thil ava ti thei teh lul em!

Khawvela miropui leh thiltithei Pathian mi hman ropui ber ber te hi Lehkhabu chhiar nasa tak tak anni deuh vek hlawm a,Europe rama mi ropui bera ansawi pakhat chu Francois Fendon a pawh khan ka lehkhabu zawng zawng leh ka zirna hi ka chan tur nita sela,Ka lallukhumte hnawlin ka lehkhabute hi ka thlang zawk ngei ang ati, Benjamin Franklin a pawh in Hawrawp 26 min pe ula,khawvel hi ka hneh thei vek ang ati bawk,Rawngbawltu ropui Augustine a pawh A thanasius a lehkhabu ziak Life of antong tih bu achhiar atangin Pathian rawngbawl turin ain pumpek,Kohhran siamtu ropui Marin Luthera pawh Johanis Taulor a lehkhabu ziak achhiar atangin kohhran siamthat hna athawk,Kristian vanram kawng zawh tih ziaktu John Bunyan a pawh Arthur Denta Lehkhabu ziak The plain main way to heaven,the pratice of piety tih lehkhabu achhiar atangin boralna khua achhuahsan a, chu chu lehkhabuah ziakin Kristian vanram kawngzawh tih aziak ta ani.

Awle sawi tur ala tam sawisen ani lo,kan tarlan tak atang hian lehkhabu chhiar tam that zia leh thiltih theih zia hi kan hre thei mai awm e,Lehkhabu chhiar tam hi hriatna,Finna hlu ber ani tih hria ang u.Tin,atawp berna atan miropuite thusawi tlem lo tarlang leh hram ila,

1. Lehkhabu chhiar ngailo rawngbawltu chu arawngbawlna atangin bang mai rawh se.-John Wesley,

2. Lehkhabu chhiar thin ringtu chuan hma asawn thin.ringtuin Lehkha achhiar a abansan chuan athang thei ngai lo,-John Wesley.

3. Lehkhathiam lo leh zirsang lo te tan thu rotling quatations bu chhiar fo hi thil tha tak ani.- Sir winston churchill,

4. Lehkhabu awm lohna pindan chu thlarau awm lohna taksa ani.- Sir John lobbock

5. Lehkhabu hi thian nghet leh thawm zawi ber ania,thurawn petu fingber leh zirtirtu dawhthei ber ani.- CharlesWilliam.

6. Sorkar neih loh aiin chanchinbu neih loh ahlauhawm zawk,-Thomas Jefferson,

7. Kawlhnam aiin kawlawm pen in thil ati thei zawk,-Napoleon.

8. Pawisa tlem ka neih chuan lehkhabu ka lei abang ala awm chuan eitur leh thawmhnaw ka lei thin.Erasmus.

9. l kut dinglamah lehkhabu keng la,l kut dinglam Bible keng rawh,Billy Graham.

Miropui leh mifingte hian lehkhabu chhiar anngai hlu /rawh hle mai

Lehkhabu tha chhiar hi ava thain ava hlu tak em! Lehkhabu i chhiar thin em?Lehkhabu tha chhiar thin rawh .