TOI award dawng thei zingah Jeremy
India rama chanchinbu lian leh lar Times of India chuan a vawi thum nan Mahindra Scorpio Times of India Sports Awards (TOISA) a sem leh dawn a, weightlifter chawimawina dawng thei tura chhawp chhuah panga zingah Jeremy Lalrinnunga a tel.
Mizo rawlthar duhawm Jeremy hian national leh international level-ah medal a la nual tawh, nikum khan IWF World Youth Weightlifting Championship-ah silver a la a, Australia a neih Commonwealth Youth Weightlifting Championship-ah gold medal a chawi chhuak leh bawk.
Mizoram sorkar hnuaia 'catch them young' policy aṭanga bul ṭan Jeremy hian Commonwealth 53kg category-a gold medal dawng tur hian snatch 110kg leh clean & jerk 130 a chawi a ni.
Nikum khan Mizo tlangval Jeje Lalpekhlua chuan TOISA Footballer of the Year Award chawimawina hi a lo dawng tawh a, February 26 hian infiamna kawng hrang hranga tiṭhate chawimawina hun hi buatsaih leh a ni ang.-Vanglaini
Post a Comment