Association for Valuntary Blood Donation (AVBD) chuan an thawhpui pawl dangte'n nimin khan Valentine's Day pualin thisen pek rûnpui an huaihawt. Aizawl leh khawpui dang pasarih-a thisen pek zat hi unit 944 zet a ni.
Valentine's Day Blood Donation Camp hi Aizawlah chuan Mizo High School Hall-ah AVBD, Mizo Domain Mizoram (MDM), Mizoram State AIDS Control Society (MSACS) leh Aizawl Civil Hospital blood bank-te'n an huaihawt a ni a, mi ṭhahnem takin thisen an pe. Thisen petute hnenah hian host-te'n rose an lo pe zel a, eitur tui tak a awm bawk. MDM aṭangin zaithiam ṭhahnem tak an tel a, mi 20 chuangin thisen pete hi zaiin an lo âwi a ni. Valentine's Day denchhena thisen pek hi kum 2010 aṭang khan kalpui ṭan a ni a, kum 2013 aṭangin Aizawl chauh ni lo, district dangah pawh tih tan a ni. Kumina pek zat hi Aizawlah unit 408 leh district khawpui dang pasarihah unit 536 niin, a vaiin unit 944 zet a ni.
Blood donation camp huaihawt a nih theihna atana ṭanpuina petu - Mizoram State AIDS Control Society, Aizawl Municipal Corporation, Aizawl Civil Hospital, National Health Mission (Blood Safety Cell), Greenwood Hospital, LRM Hospital leh New Life Hospital-te chungah AVBD chuan lawmthu an sawi.
District hrang hranga thisen pek zat
Aizawl Mipa - 334Hmeichhia - 74 Total - 408
Serchhip Mipa - 43 Hmeichhia - 35 Total - 78
Lunglei Mipa - 97 Hmeichhia - 47 Total - 144
Kolasib Mipa - 32 Hmeichhia - 29 Total - 61
Champhai Mipa - 70 Hmeichhia - 29 Total - 99
Lawngtlai Mipa - 36 Hmeichhia - 12 Total - 48
Siaha Mipa - 36 Hmeichhia - 23 Total - 59
Mamit Mipa - 19 Hmeichhia - 28 Total - 47
Total = 944
Post a Comment