PRISM-in thu dik lo sawiah CM an puh
PRISM party chuan thuchhuah siamin, chief minister Lal Thanhawla chu thu dik lo sawiah an puh a; CM-in thu dik lo a sawi chu pawi an tih thu an tarlang.
PRISM chuan, CM Lal Thanhawla'n Serchhipa Mercy Hospital a hawnnaah, sorkar hnathawkte damdawi senso atan Mizoram budget hmun thuma ṭhena hmun khat deuhthaw kum tin hman anga a sawi chu thu dik lo niin an tarlang a, "Hei hian a kaihhruai sorkar a hriat chian lohzia a tilang a, ram hruai zel tlak a nih lohzia a lantir zel hi ṭha lo kan tiin a pawi kan ti hle," an ti.
PRISM tarlan danin, sorkar hnathawkte damdawi senso atana budget-a sum ruahman chu kum 2015-16 chhung atan cheng nuai 7775.37 a ni a, chu chu budget pumpui cheng nuai 726531.13
aṭangin 1.07% a ni. Kum 2016-17 revised budget-ah cheng nuai 11,537.91 a ni a, chu chu revised budget nuai 828294.12 aṭangin 1.39% a ni.
Sorkar kum kal mek, 2017-18 budget-ah sorkar hnathawkte damdawi senso atana budget-a sum ruahman chu nuai 9,851.09 a ni a, chu chu budget pumpui nuai 880310.20 aṭangin 1.12% a ni.-Vanglaini
Post a Comment