MZP chuan thuchhuah siamin, Mizoram quota-a technical course zir tur thlanna, kum 2018-a neih turah ram leilung fa ni lo chu Category-I ah dah tawh lo turin thuneitute an ngen lâwk.
MZP chuan, Mizoram quota-a technical course hrang hrang exam hun a hnai leh tawh tih tarlangin, "Technical course hrang hrang zir tur thlanna dan hman meka Categoty I-a tel tur hrilhfiahna 'Indigenous people of the state of Mizoram' tih chungchangah MZP chu a dinna ngaiah a la ding reng a ni," an ti.
Hun hmasa lama technical cousre zir tur thlannaah ram leilung fa ni lo Category I-ah dah a ni á¹hin tih sawiin MZP chuan, "Kum 2018-ah hi chuan a ram leilung fa ni lo chu Category-I ah dah tawh lo turin thuneitute kan ngen lâwk a ni," an ti a; Mizote chanvo chu ram leilung fa Mizote ngeiin an chan zel theih nan MZP-in theihtawpa hma a lak zel dawn thu leh, Mizote chanvo chhuh luih tum hnam dang an awm chuan an chungah eng pawh thleng se, MZP-in mawh an phurh loh tur thu an sawi a ni.
MZP chuan, HSLC leh HSSLC exam a hnai tih sawiin, exam tur zirlaite'n á¹ha tak leh tluang taka exam an hmachhawn theih nan exam hun chhungin power supply hnianghnâr taka pe turin sorkar an ngen a; zirlaite lehkha zir tibahlah thei zawnga bengchheng ;eh harsatna siam lo turin mi tinte an ngen bawk.-Vanglaini
Post a Comment