Agartala Mizo Welfare Association (AMWA) chuan thuchhuah siamin, Agartala, Tripura-a Mizoram aṭanga lehkha zir tura kal tumte chu an khua/veng YMA hriatpuina lehkha ken zel turin an chah.
AMWA chuan, Agartala-ah Mizorama aṭangin institution hrang hrangah 300 vel an awm mek tih sawiin, Agartala-a awm thar turte chu AMWA member ni zel turin an ngen a; "Agartala khawpui bikah Mizo 500 zet kan awm mek a, chhiatni ṭhatni-ahte theihtawpa inchawmdawla inṭanpui zel kan duh avangin hengte hi kan inhriattir nawn leh a ni," an ti.
Post a Comment