February 5 & 6, 2018 khan Chhim Bial Working Committee buatsaihin Saiha, Sangau leh Tuipang Bialah Kohhran Hruaitute, KTP leh Kohhran Hmeichhe Hruaitute pualin Administrative Training neih a ni.
Saiha Bialah Rev. R.C. Lalnghakliana, Administrative Secretary, Chhim Bial leh Pu Lalthankima Chhangte, O/A, Synod Office Lunglei te an kal a, Bial chhung kohhran hrang hrang atangin mi 23 an tel thei a ni. Sangau Bialah Upa Lalhmingliana, Haulawng, Upa Thlengliana, Lunglei Bazar veng leh C. Vanlalhruaii, O/A, Synod Office Lunglei te an kal a, Bial chhung kohhran hrang hrang atangin mi 93 an tel thei a. Tuipang Bialah Rev. C. Lalduhawma, Lunglei Chanmari, Upa P.C. Lalhmangaihzuala, Thingfal leh Pu Lalhmingmawia, Asst. Area Promoter, Synod Office Lunglei te an kal a, Bial chhung kohhran hrang hrang atangin mi 43 an tel thei a ni.
Training-ah hian Chhim Bial Working Committee buatsaih “Kohhran Rawngbawl hna” tih thupui zirho a ni a, Chawhnu lamah Chhim Bial Working Committee buatsaih tho “Kohhran Committee member nihna leh dinhmun, hna leh mawhphurhna” tih thupui zirho leh a ni. Zan lamah Pathian Biak inkhawm neihpui lehin Training pe tura kal ten thuchah an sawi leh a ni.
Post a Comment