Vawiin February 8, 2018 hian BCM Biak In Peniel, Hnahthial ah MTKP Rorelna Vawi 64-na neih a ni a. Rorelna inkhawm hi President MTKP Rev JC.Vanlalluaian a kaihruai a ni.
Rorelna inkhawm hi BCM General Secretary Rev F.Ramdinmawian hunserh hmangin, rorel palai kalkhawmte chu taima taka rorel a, ngaihtuahna fim tak nen tawngkam te hmang fimkhur turin a chah a. Vawiin ah hian a thuin ro kan rel dawn a, a taka tihhlawhtlinna kawngah pawh tan kan lak a ngai dawn ani, a ti bawk.
Hemi hnu hian President Rev JC.Vanlalluaian rorel kaihruaiin, rorel palaite chu thlarau lam thil a rorel tur kan nih avangin thlarau thianghlim aw ngaichang turin palaite a ngen bawk ani.
Nikum 2017 khan Mizoram Thalai Kristian Pawl atang hian member 122 chatuan ram pan ta te sunna hun hman ani a. Pi K.Lianthangi MTKP dintu zing a miin an tan tawngtaisakna a nei bawk a ni.
TKP hi Pastor Bial 84-ah Unit 415 an awm mek a. TKP member 45, 058 niin mipa 27,900 leh hmeichhia 17,158 niin nikum 2017 chhung khan Kohhran Dan puitlinga innei tuak 349 an awm bawk a ni. MTKP hian Thlatin chhuak Thalai Entu tichhuak in tunah hian Copy 12,500 print mrk a ni bawk. Nikum 2017 chhung khan MTKP hian hmalakna lian tak tak an nei a. Chungte chu
1. Kum 2017 chhung khan BCM Mission Department-ah Missionary Support a chhung lut thin a. Pastor Bial 80 leh Unit 271 ten Missionary Support an pek bawk.
2. TKP Ramthim Ni 2017 Lunglei khaw chhung Pastor Bial 11 ah hun an hman pui bawk.
3. Missionary chhawmdawl ngaite tanpui an ni
4. Missionary Kai, Tlabungah tawngtaina In sak a ni
5. Mizorama Chanchin Tha lo thlen kum 125-na (Quasquicentenial) lawmna atan hmalakna kalpui mek a ni bawk.
6. TKP Hla inphuahsiakna buatsaih a ni bawk
7. TKP Day thawhlawmin Kohhran chhawmdawl ani. Chungte chu-
(a) BCM Biak In Salem, Aizawl sak tanpui nan Rs 50,000
(b) BCM Biak In, Brigate sak tanpuina Rs 50,000
(c) . NEICCYA Silver Jubilee lawmna tur pual Rs 10,000
8. HIV/AIDS veite tanpuina thawhlawm hlan ani.
9. TKP Day thawhlawm hmangin ram leh khawtlang tan hna thawh ani bawk.
10. A thlawna thisen pek chhunzawm zel a ni.
11. Mizoram State AIDS Control Society hmalaknaa Mizoram Thalaite HIV laka kan him a, thisen thianghlim hman tlak neia regular taka thisen petu an pun zel theihna turin ‘Heroes Campaign’ neih a ni bawk.
12. Human Trafficking chungchang leh Ruihhlo that lohzia inzirtirna neih a ni a. Human Trafficking hmalakna pual hian Film ‘Where’ tih chu buatsaih a ni bawk.
13. Assembly thu um zuiin fa neih tam inzirtirna kalpui a ni bawk.
Kumin 2018 a MTKP rorelna a hmalakna tur hrang hrang an rel te chu:-
1. MTKP hian kan Kohhran Thalaite leh zirlai naupang zawkte tan Career Guidance a kalpui theih nan hmalak nise.
2. MTKP Inkhawmpui thlengtu tanpuina member tina Rs 10/- khawn thin hi Rs 20/- ah tihsan ni se.
3. Kum 2018 MLA Election lo awm tura ram hmangaihtu dik tak kan thlan chhuah theih nan Unit tinah a huhovin TKP Day 2018 hian tawngtaina neih nise
4. Christian Hospital Poor Patient Fund atan Unit tinin fehchhuah thawhlawm vawikhat MTKP kal tlangin pek nise.
Mizoram Thalai Kristian Pawl te hi Fellowship Organization Department in Budget Ceiling a siam sak Nuai 10 chu Kum 2018 budget ah an pass a ni. Kumin MTKP rorelna ah hian rorel palai 463 an tel thei a ni.
-Elvis Zuala – Angelai Pa
Post a Comment