Christian Hospital, Serkawn-a Cancer natna veite enkawlna Chemo Treatment Room chu peih fel a ni ta a, naktuk, February 10, 2018 (Inrinni) chawhnu dar 01:00 hian Pu Zodintluanga, Hon’ble Minister, UD & PA, Gov’t of Mizoram -in a hawng ang.
Hawnna inkhawm hi Upa Dr. B. Laldinliana, Medical Superintendent, Christian Hospital-in a kai hruai ang a. Rev. R. Zohmingliana, AGS i/c Service-in Pathian hnenah hlanna a nei ang a, Rev. H. Lianngaia, President, BCM-in Mizoram Baptist Kohhran aiawhin thu a sawi ang. Nurse Student leh Tv. HC Lalrinliana ten Pathian fakna hla an sa ang a, Report leh lawmthusawina Chairman-in a neih zawhah Rev. Dr. C. Vanlaldika, AGS i/c Mission-in malsawm tawngtaina-in hun a khar ang. Programme hman zawh hian Refreshment buatsaih a ni ang.
Christian Hospital, Serkawn-a Cancer natna veite enkawlna Chemo Treatment Room hi AC room niin khum 3 a awm a, bath room attached niin cardiac monitors leh Syringe pump te nen thuam a ni. Nurse duty-na tur te pawh ruahman tel nghal a ni bawk. He Chemo Treatment room sak nan hian UD & PA hnuaia NEDP atangin fund hmuh a ni.
Christian Hospital, Serkawn-a Cancer natna veite enkawlna Chemo Hetiang damlote enkawlna tur hmun hma nuam leh tha tak kan nei thei ta hi Pathiann malsawmna niin damlo te tan a tangkai hle dawn a ni.
Post a Comment