MZP leh 46 Assam Riffles te tangkawp in Zirlaite tan an buaitsaih Motivation Tour chu Ni. 19th - 25 Febuary, 2018 chhung khan neih a ni a. He Motivation tour-ah hian Silchar, Shillong leh Guwahati a hmun hrang hrangte fankual a ni.
Motivation Tour thawhkhatnaah hian College hrang hrang atangin zirlai 30 an kal a. Andrew F. Lalramnghaka, MZP General Headquarters Finance Secretary chu Tour Leader niin zirlaite hi a hruai a. Silchar, Shillong leh Guwahati a Assam Riffle hmunpuia hotute nen inkawmhona neih niin, zirlai kal te hian zawhna hrang hrang zawt in Assam Riffle lam hotute nen hian inpawh takin inkawmhona neih thin a ni a, zirlaiten an hlawkpui thei hle.
Silchar, Shillong leh Guwahati hmunah te hian Zirlaite tana tangkai tur hmun pawimawh tak tak te tlawh kual niin, infiamhona te pawh neih thin a ni a. Cherrapunjee tlawh niin, MAWSMAI puk luhchhuah a nih bakah leh Thangkarang Park ahte hun an hmang ho bawk a. Zirlaiten nuam an tiin hlawk thlak an ti hle.
MZP & 46 Assam Riffles Motivation Tour thawhkhatnaa kalte hi ni 25 February, Pathian tlai khan tluang takin Aizawl an lo thleng a. 46 Assam Riffles hmunpuiah Assam Riffles hotute leh MZP hruaituten ropui taka lo hmuak in, hun hman ho leh a ni a. He hunah hian thingpui inho na nei in, Motivation tour-a kalte atangin report ngaihthlak a ni a. Tour-a kalte chuan nuam an tih thu leh chhunzawm tlak anih thu an sawi a. Assam Riffles hotute pawh in tun hi a bul tanna chauh anih thu leh thawhho chhunzawm zel an duhthu an sawi.
Post a Comment