chanchinthar langsar zualMZSRLM LEH MCAB IN MOU AN ZIAK

Mizoram State Rural Livelihoods Mission (MzSRLM), Rural Development Department leh Mizoram Co-operative Apex Bank (MCAB) te chuan vawiin khan “Financial Inclusion” a thawhhona thuthlung (MoU) an ziak.

MoU hi MzSRLM aiawhin Pi K. Lalrinzuali, Additional Secretary/ State Mission Director leh MCAB lam atangin Pu Lalzuahliana, Chief Executive Officer, MCAB Aizawl ten Additional Secretary Office Chamber, New Secretariat Complex-ah an ziak a ni.

He MoU hian a tum ber chu ‘Self Help Group (SHG) Bank Linkage Programme’ kaltlanga thingtlanga mi harsa te leh Bank thlunzawm a ni a. MCAB leh MzSRLM te thawhhona atang hian thingtlang mite’n bank kalphungte chiang zawka an hriatthiam theih nan hmalak a ni ang a, thingtlanga miharsa ten leirem an rah a, an nunphung ti changkan zual zel tura hmala theia siam chu he MoU hian a tum a ni. MzSRLM hian District parukah hma la mekin tun dinhmunah hian Self Help Group 3,046 an enkawl mek a ni.-DIPR

Post a Comment

Powered by Blogger.