Mi tu emaw i hriatloh i bank account a pawisa rawn thawn sual anga in sawi an awm thei. Hei hi inbumna chi khat leh sum tak tak chan theihna anih theih avangin fimkhur hle tur. I account atangin pawisa chu i thawn let leh mai tur a ni lova, a thawnsualtu zawk in Bank-ah report thehlut in hma a la zawk tur a ni.
Tunhnai mai khan, mi pakhat chuan a bank account-ah Rs. 82,000/- a in deposit tih SMS a dawng a mahse reference number J002 tih bak a rawn deposit tu a hriat loh a. Chumi hnu chuan Phone Call a dawng a, Revenue Department atanga rawn bia anga insawi in, tihpalh thil thu a VAT Return Rs. 82,000/- a bank account-a an thun thu leh a reference number pawh J002 a nih thu an rawn sawi a. Pawisa pawh chu TLB Towers ta tur anih avangin thawn let leh tur in a rawn ngen nghal a. A rawn betute chuan official letter ni awm tak, a thawn letna tur bank details an fax nghal bawk a.
Chu pa chuan pawisa chu thawn let leh a tum a. Rs. 82,000/- chu a bank account-ah chuan a lut ngei tih afinfiah hmasa a, mahse "UNCLEAR" a ni tih a hmuchhuak hlauh a.
A rinhlelh tak avangin pawisa chu thawn kir mai lovin bank lam hotute a phone ta zawk a. Bank lam chuan an Risk/Fraud division lam an lo kawhhmuh a, a hnuah bank lam chhuitute chuan rawn phone leh in, inbumna thil a nih thu hetiang in an rawn hrilh a:
Pawisa a thawn let leh na tur chu mimal account, balance engmah nei lo a ni.
Pawisa an rawn deposit-na cheque pawh ruk ngei a nih rin a ni.
Cheque chu a bounce anga, an pawisa rawn thun pawh a let leh ang.
A awmzia ber nita chu, he pa hian amah bum tum tute bank account-ah Rs 82000/-kha va thawn let ta se, a hnu reilo te-ah a bank account a pawisa rawn lut niawm taka lang kha a kir leh vek dawn avangin a thawhchhuah sa Rs. 82,000/- chu misual tuemaw in an lo fanghma no ei anga, hmuh let leh tur awm tawh si lovin Rs. 82,000/- chu a hloh ringawt dawn tihna a ni.
Chuvangin rim taka kan thawhchhuah kan sum leh pai te misual ten min bum sak loh nan mitin i fimkhur ang u. -DIPR
Post a Comment