Tunlai Fakna Hla Thazual - Rimawi Khawvel - TIMES OF MIZORAM

27 Feb 2018

Tunlai Fakna Hla Thazual - Rimawi Khawvel

Hontrade Ṭhazual Fakna A chung berah Cindy, Arini leh Maipuii

Rimawi KhawvelCindy, Arini leh Maipuii te chuan Hontrade Ṭhazual Fakna chart-ah pakhatna an hauh leh ta a, a zawnin he dinhmun hi an luah ta a ni. Chart hmasa lamah khan 'An fak ning lawng' tih hla hi thlan hlawh ber a lo ni tawh bawk a ni. 

He hla hi H. Lalngaihdama'n kum 2016-a a phuah a ni a, Vanram ngaihna lam hla a ni. A music video hi nikum November thla aṭang khan local channel-ah pekchhuah niin, tun thlengin Ṭhazual Faknaah thlan hlawh ber a la ni.  A hla hi a mawiin, a satuten an thiam bawk avangin a zawna dinhmun sang ber an luah hi a awm hle a ni. Tun ṭum chart-ah hian Various Artists chuan pahnihna an hauh a, a sang pathum zingah Lalhmangaihzuali (Nunui) chu a lang bawk. 

Various Artists sak 'I chakna ringin' tih hla hi thlan hlawh ber pawl a ni chho zel a, chart-ah pawh an lang zing ta malh malh hle. 'Min kian san suh' tih hla mawi tak mai satu Nunui pawhin hma a sawn chak viau a, a sang pathum zingah a inhlangkai. Pakhatna pawh lo hauh tawh Jennie Lalruatfeli chu pali-na niin, Aizawl Venglai KTP, Mika Group chu top 5-ah an lang bawk. 'Ka enna' tih hla Lalnunpuii Kawlni sak pawh thlan hlawh pawl niin, parukna a hauh phak. 

Tun ṭumah hian top 10-a hun eng emaw chen lang tawh Sawmtea pawh kan hmu leh ta a, a hla 'I fak zel ang' tih chuan ngaithlak a hlawh zui zel. Sawmtea bakah hian R. Lalrinmawii, Esther Khiangte leh Vanlalruata te pawh an lang a ni. 

Hontrade Ṭhazual Fakna Top 10 

1. Cindy, Arini & Mapuii - An fak ning lawng

2. Various Artists - I chakna ringin

3. Lalhmangaihzuali (Nunui) - Min kian san suh

4. Jennie Lalruatfeli - Ka thinlung lawmna

5. Aizawl Venglai KTP, Mika Group - Krawsah chuan famkim i ni

6. Lalnunpuii Kawlni - Ka enna 

7. Sawmtea - I fak zel ang

8. R. Lalrinmawii - Krawsah khan 

9. Esther Khiangte - Thlaler tuivalwng

10. Vanlalruata - Ka lawm e

Source: Vanglaini

No comments:

Post a Comment