Miss Mizoram 2018 thlanna chu neih chhoh mek zel a ni a, a boruak pawh a hot sawt hle. Zanin hian Chanmari YMA Hall-ah 'The Closet Show' neih a ni leh dawn a, live-a pekchhuah a ni ang.
The Closet Show-ah hian designer pali - Sangboihi, Manuntei Sailo, Tluangpuii Hmar leh Rempuii Hmar te collection chu Miss Mizoram contestant-te hian an inbel dawn a, en chakawm tawh tak a ni. Designer-te hi Mizo zingah pawh a langsar ber pawl ṭhiau an ni a, veng khat nula hmelṭha, kei ka ni inti ngam tur chinten an kutchhuak an inbel tur hi en loh phal chi rual a ni lo.
Make-up artist ten an hmelṭhatna belhchhah turin an chei dawn cheu bawk. Make-up artist hi pali an awm dawn a, an pawlte ṭheuh an chei dawn a ni. Show neih zan hian sub-title pali - Miss Photogenic, Miss Active, Miss Talent leh Miss Perfect 10-ahte lawmman sem a ni bawk ang. Show kar lakah hian zaithiam zai ngaihthlak tur a awm dawn bawk a, top artist te an che dawn a ni. The Closet Show hi zan dar 8:00-ah ṭan tur a ni a, Zonet HD leh Zonet Zawlbukah LIVE a ni ang.-Vanglaini
Post a Comment