Ricky L. Colney

Pathian thu hril tu khawvel a hriat hlawh ber anih loh vek pawhin hriat hlawh ber te zing ami ni ngei tur Billy Graham a chu 1918 ah piangin 2018 ah a thi a, a thih thu chuan khawvel a deng chhuak hneh hle mai a, a bik takin ama ram USA ah nghawng a nei lian hle ani.A dam laiin khawvel hmun hrang hrang ah mipui 215 millions chuang hnen ah Pathian thu(Gospel) a theh darh a,..Christian te thinlung ah chuan a hming hi a dai leh tawh ngai dawn lo ani.


A chanchin tamzawk hichu post hmasa ah kanlo sawi tawh hlawm a,chuvangin kan la sawi tel loh lam tlem i han thai lang leh teh ang,a thih hnu khan a chhungkhat laina hnai ten Asheville, North Carolina ah Private takin inkhawm na an neih pui a,chumi hnu ah a kuang nen a naupan laia a in thin,Billy Graham Library,Charlotte ah an dah a,chumi hmun ah chuan wednesday thleng a awm a,mi nawlpui (Public) chuan Monday leh tuesday thleng khan a ruang/kuang ah zahna lantirin an tlawh a,February 28 khan a ruang chu March 2nd.thleng awm turin United States Capitol Rotunda ah an dah/zalh leh ta ani.

USA ah hian Private Citizen te ruang United States Capitol ah hian an zalh zen zen lo hle mai a, Chawimawina sang tawp khawk anga ngaih ani a, US History ah private citizen mi 3 chiah hetiang hian an la zalh a, Billy Graham a chu a 4 na ani ta ani.United States Capitol ah hian US presidents thi te, members of Congress, Supreme Court judges,leh military commanders te lo chu an zalh ngai meuh lo. March 2nd ah mi sawmbik te nen Billy Graham Library,Charlotte ah sunna an nei dawn a,Billy Graham a rawngbawl tan tirh lai hriat reng nan Puan in kaih hnuai ah an nei ang.Billy Graham a kuang pawh hi a thih hma a amah ngeiin alo duan sa vek ani a, man to leh Ropui tak nilo, a nupui kuang nen in ang chiah, Plywood a siam $200 man lek ani a, Jail Louisiana State Penitentiary a tang te ,Jail chhung a Pianthar na chang te siamsak ani nghe nghe.a Siamsak tu zing a an hotupa Richard Liggett a chu Tualthah avanga Damchhung tang tur a tih ani a, Billy Graham a kuang tur a siam zawh hnu lawk 2007 khan a boral tawh nghe nghe ani.Billy Graham a chuan he Jail chhung ah hian rawngbawl na a va neih hnu in a mah leh a nupui tan kuang siamsak turin Jail tang te chu a ngen ani.


BILLY GRAHAM a chu engtinge an sawi ?

"1934 kum tir lam khan Billy Graham a pa chuan Charlotte sumdawng thenkhat te chu a farm ah tawngtai na neih a phal sak a, chumi ni chuan an khua tan an tawngtai a, kalkhawm te chuan Charlotte khua atangin Pathian in khawvel deng chhuak a, A chanchintha hril tur mi kaichhuak turin an ngen ani..Chumi ni atanga kum 80 a liam hnu ah vawiin ni hian nang leh kei chu hetah kan awm a,hetia kan awm theih chhan hi khami ni a an tawngtai na kha PATHIAN in a chhan vang ani..Khatih lai khan Billy Graham a kha kum 15 mi lek ani a,,an Farm a an tawngtai atanga thla rei lo te a ral tih ah chuan Billy Graham a chuan a Lal leh Chhandamtu ah Lal Isua chu a pawm ta ani(a Pianthar ta ani).

Kha duhthlan na khan amah Billy Graham a chauh a thlak danglam lova, kan zavai nun hi a thlak danglam vek a,kan Khua,kan ram pum hi a thlak danglam a, khawvel a ti danglam ta ani..North Carolina Farmer mipa naupang chu an farm chhuahsan in History ah a pen lut ta ani..Florida Bible zirna school tlawm tak ah bul a tan a, Ram pum ah Harhtharna(Revival) a thlen a, Los Angeles puan in kaih atangin ni khat lek pawh a mi nuaih chuang kalkhawm na Yankee Stadium ah te, mipui nuaih 2 chuang kalkhawm na Madison Square Garden ah chawlh kar 16 zet rawngbawl na 1957 ami te, America mipui te chu he Pathianthu hril tu naupang tak mai thusawi ngaithla tur hian a sang a sang an kal khawm ruih ruih a,chumi zing a pakhat chu kapa Fred TRUMP a ani ". tiin Donald Trump a pawhin a sawi ani.

" Pathian in keimah ah hna a thawh lo intan na chu Billy a rawngbawl na hi ani..mi a ngaihsak na leh a zirtirna chuan ka rinna kawng bul min tuhsak a, chumi a vang chuan Zu pawh ka nghei thei ta ani..keima chakna chuan zu kha ka nghei thei miah lo ang" - President George W.Bush.

"Kan Ram in Billy Graham a hnen a bat kan neih kan rulh let theih dan awmchhun chu Billy Graham a nun/example entawn a nun ve ani " . Vice President Mike Pence.
"Ka ngaih dan nghet tak ah chuan Tawngtai na in thil a tih theihzia hre thiamlo emaw, Rinna in thil a tih theih zia hrelo tan President hi a nih theih loh tawp ani..chumi chu Billy Graham a hian min hriatthiam tir ani" - President George H.W Bush.(George W.Bush a pa).


"Ka thiantha tak Billy Graham a rawngbawl na hi awmlo se chu Civil Rights movement atan a keima hnathawh ve hian tun ang hian hlawhtlinna a hmu miah lo ang" - Dr.Martin Luther King Jr.

"Billy Graham a atang hian ani nitin tawngtai na piah lam aia nasa a ka tawngtai nasat zual phah tak ni " - President Ronald Reagan.

" Oval Office chhung ah ani emaw White house chhawng chunglam ah pawh nise, a tawngtai pui tawh che chuan President tan nilo,nangma tan liau liau khan a tawngtai sak che anga hriat na i nei thin ang " - President Bill Clinton.

Awle, sawi tur a la tam hle mai a,mahse Ninawm lam a kai hma in duhtawk leh hrih phawt mai ang aw.

Post a Comment

Powered by Blogger.