Buaina awma Vai huat vek sim a ṭul - John Rotluangliana - TIMES OF MIZORAM

Breaking

Home Top Ad

Post Top Ad

Buaina awma Vai huat vek sim a ṭul - John Rotluangliana

Indian Oil Orporation (IOC)-in corporate social responsibily (CSR) sum cheng nuai 20 sênga Mamit Higher Secon­dary School tana Girl's Hostel an sak chu, Inrinni khan minister John Rotluangliana'n a hawng. Minister chuan, buaina a awma vai huat vek sim a ṭul thu a sawi.

Ram leilung fate'n ngaih­tuahna leh rilru­te an tihzauh a ngaih thu sawiin John Rotluang­liana chuan, "Ramri chungchang buaina emaw, eng emaw thil dangah pawh buaina nei thei kan ni a, heng angahte hian a náwlpuia kan chhehvel a hnam dang, a bikin vaite kan haw vek mai ṭhin hi kan inenfiah a ngai a ni," a ti.

Minister chuan, vai tia sawite chu India ram hmun hrang hrang leh hnam hrang hrang 

aṭanga lo awmte an nih thu sawiin, "Kan buaina nena inkaihnawih miah lo leh Mizorama hna thawk tam takte Keralian, Punjabi, Marathi, Jharkhand mi leh sate leh hnam hrang hrangte pawh an ni ang," a ti a; tun hnaia buainaah pawh state páwn mi, Mizoram ṭan zawktu tam tak an awm avangin lamṭanga siam thiam an ngaih thu a sawi.

John Rotluangliana chuan, sikul thuneitute chu khaw dang aṭanga kal zirlaite'n ṭha taka zirna an neih theihna tura a nihna tur ang tak leh uluk taka hostel enkawl turin a chah a; hostel chu hmeichhe tana duan ni mah se, hmeichhia zirlai awm tur an awm loh chuan mipa pawh a remchan dan anga awmtir turin a hrilh.

Minister-in a hawn girl's hostel hi khum 10 awm theihna tura ruahman a ni. 
-Vanglaini

No comments:

Post a Comment

Post Bottom Ad