MAPUIA HAUHNAR - THE COMPLETE COMEDIAN - TIMES OF MIZORAM

Breaking

Home Top Ad

Post Top Ad

MAPUIA HAUHNAR - THE COMPLETE COMEDIAN

Joseph Riley Hmar

Mizoram mipui te chuan fiamthu thiam kan neih that ber zinga mi Pu H.Rotluanga (Mapuia) hi kan hre theuh awm e. A style danglam leh original tak avang te hian mipui ten an ngaisang a, Mizo fiamthu thiam chhuak tawh zawng zawng zingah a ni aia tha hi sawi tur an awm chuang lo. Mihring te hi famkim kan awm lo a, Complete Comedian ni tur pawh hian fiamthu thiam te quality neih kim hle a ngai. Chutiang chu Mapuia hian a neih deuh vek a ni. Mizo Comedian number one a nih chhan te han tarlang i la:

1. ORIGINALITY A NEI:
Mapuia hian mahni style a tihchhuah a ngah tawh a, FTH velah pawh Character hrang hrang hmangin mipui a lo ti hlim tawh. Master Lee, Zo-Robot, Inspector Singkhuma, James No No te a lo ni tawh a, heng Character te hi a hlawhtlin pui hle a, fiamthu thiam Originailty nei tha tak a ni tih a ti lang chiang bawk. Chu mai bakah FTH leh Comedian Search thlengin a Idea hmangin ruahmanna tha leh hlawhtling tak tak a siam thin bawk.


2. MI TIHDAN ZIR A HNEHSAWH:
h rotluanga fiamthu mizoComedian tha te tehna pawimawh tak pakhat midang (milar) tih dan leh tawng vel dan zir a hnehsawh em em a, Mizo milar atanga Sap thlengin an tih dan zir a thiam em em a ni. Tuai atanga naupang leh putar tawng dan thlengin a zir thiam a, a nuihzathlak thei hle.

3. FIAMTHU THIAM PROMOTER A NI:
Mizo zinga fiamthu thiam tam zawk chuan Comedian dang an chher chhuak ngai lem lo va, Mapuia erawh hemi kawngah hian a thawhhlawk ber a ni. Amah atangin Mizoram ah fiamthu thiam tam tak kan hmelhriat phah tawh a, a zara sum hai lut nual pawh an awm a ni. Comedian Search atang kher lo pawhin fiamthu thiam Zoram hmaah a inhmelhriat tir a ni.

4. LEMCHAN (ACTING) A THIAM:
Mizorama Drama Club lar ber Zephyr Drama Club din tu te zinga mi a ni a, drama leh film a chan naah te main character ah a awm thei zel. A channa apiangah tawngkam a thiam a, a boruak a zira lem chan a thiam em avangin a nuihzathlak thin hle a, Zephyr Drama vela a thu chhah chhuah te tun thlenga la lar zui te pawh a awm nual mai.

5. MUSICAL COMEDIAN THA A NI:
Mapuia hi a all round ve angreng hle a, Comedian tha quality zinga pakhat Musical Comedy lamah pawh tha a thawh tel. Ama pualin fiamthu Music Video pawh a lo siam nual tawh a, a lar in hit hlawm tak tak pawh a awm. Fiamthu thiam, zai chunga Mizo te awi tu a nih avangin a ngaihsanawm hle mai.

6. WIT AND HUMOUR A NEI THA:

Hei hi Comedian tha quality pawimawh tak a ni. A fiamthu thawh dan hi style hran daih a ni a, Comedian Search atanga lar te fiamthu thawh dan nen a inang lo hle. A film channa leh mipui hmaa a thusawi kan chik chuan Wit and Humour (fiamthu fing) tam tak a tel thin. Hei hian a thluak that zia a ti lang chiang a, Mizo fiamthu thiam zinga sum hai lut hnem ber a ni pawh hi a mak hran lo ve. Mapuia hian fiamthu thiam quality tam zawk a nei vek a, Complete Comedian ni turin a tling tawk a ni. A tumruhna leh a taihmakna a ngaihsanawm a, hlawhtlin pawh a phu hle.

BONUS - Mizo zaithiam chhuak thar thiam em em mai YouTube video en duh tan link...like + subscribe hi i uar i la a lawmawm ang.  WATCH MIZO MOST WATCH VIDEO


No comments:

Post a Comment

Post Bottom Ad